Аксарият аёллар йиллар давомида ишлатадиган севимли лаб бўёғи, тональ креми ёки тен палитрасига эга. Шу тарзда косметиканинг амал қилиш муддати борлиги унутилади, афсуски, уларни узоқ вақт қўллаш хавфлидир. Marie Claire нашри косметик маҳсулотларнинг муддати ўтганини аниқлаш учун бир қанча фойдали маълумотлар билан бўлишди.
Ўзига хос ҳиднинг пайдо бўлиши
Қоидага кўра, барча янги косметика енгил ёқимли ҳидига эга бўлади ёки аксинча. Аммо агар маҳсулот ноодатий ёқимсиз ҳидга эга бўлса, бу маҳсулотнинг яроқлилик муддати тугаганлигини ва бундай маҳсулотни ишлатиш терида ҳеч бўлмаганда яллиғланишга олиб келиши мумкинлигини англатади. Энг ёмон ҳолатда, кучли аллергик реакция ёки инфекция пайдо бўлиши мумкин.
Хира ранглар
Вақт ўтиши билан барча декоратив косметика ҳавода оксидланиш деб аталадиган кимёвий реакцияга учрайди. Бу реакция маҳсулот рангига ҳам таъсир қилади, чунки маҳсулот қанча узоқ сақланса, унинг ранги шунчалик хира бўлади. Шунинг учун ёрқин тенлар рангини ўзгартирса, янги палитра олиш вақти келди.
Текстуранинг ўзгариши
Маҳсулотнинг яроқлилик муддати ўтганлигини аниқлашнинг яна бир усули — уни қўллашдан олдин тузилишини текшириш. Агар тональ крем қуюқлашган бўлса ёки упа жуда майдаланган бўлса, бу маҳсулотнинг умри тугаганидан дарак беради.
Косметик маҳсулотлар қанча вақт сақланади?
Косметик маҳсулотлари турли вақтларда эскиради. Энг машҳур декоратив маҳсулотларнинг яроқлилик муддати ҳақида қисқача маълумот:
-Тональ крем. Сувга асосланган маҳсулот бир йил фойдаланишга яроқли, ёғга асослангани бироз кўпроқ, 18 ойгача.
Лаб бўёғи ва блеск. Қаттиқ лаб бўёғининг сақлаш муддати — 1-2 йил, суюқлари эса ишлаб чиқарилган кундан бошлаб 6 ойдан бир йилгача.
Туш. Туш камроқ сақланади: 3 ойдан 6 ойгача.
Упа ва румяна. Шунингдек, тен, бронзатор ва бошқа кукунли маҳсулотларнинг сақлаш муддати 2 йилгача.
Кўз ва лаблар учун қалам. Қаттиқ қалам бир йилгача ишлатилади, лекин суюқ подводкалар кўпи билан олти ойгача сақланиши мумкин.
Изоҳ (0)