Лаб бўёғи ва тональ кремни аралаштирса нима бўлади? Косметика тайёрлаш бўйича лайфхаклар

Пардоз қилишингизда керак бўладиган нарсалар учун жуда кўп косметика сотиб олиш шарт эмас. Энг яхши косметикани қўлингизда бор нарсалардан уй шароитида ҳам яратиш мумкин. Бу борада «Домашний очаг» нашри сизга ёрдам беради.

Тональ крем ​​+ намлантирувчи крем = BB крем

Ушбу усулдан ҳатто профессионал визажистлар ҳам фойдаланади. Оғир тональ кремни ўзингиз ишлатишга одатланган ва ўзингиз учун идеал деб ҳисоблаган намлантирувчи крем билан аралаштириб, мукаммал BB кремини тайёрлаб олишингиз мумкин. Натижада енгил ва жуда зич бўлмаган кремга эга бўласиз, терингиз эса керакли намликни сақлаб туради.

Помада + тональ креми = суюқ румяна

Баъзилар дудоқ ва ёноқларнинг рангидаги мукаммал уйғунликка эришиш учун кўпинча лаб бўёғини тўғридан-тўғри ёноқ суякларига суртишади. Лекин яхшироқ вариант ҳам бор: бир оз лаб бўёғини тональ крем билан аралаштирунг. Чўтка билан ёноғингизга суртинг: бундай суюқ румяна нафақат табиий кўринади, балки юзингизда бутун кун давомида сақланиб туради.

 Қовоқ учун тен + лаб учун бальзам = тинт

Қовоққа суртиладиган тендан тинт ёки лаб бўёғи яратиш мумкин – бунақаси ҳеч кимда бўлмайди! Пушти, малинаранг, сиёҳранг ва тилларанг тенларни лаб бўёғи билан аралаштиринг. Асосийси, намлантирадиган бальзамнинг яхшисини танлашдир, чунки тен лабларни бироз қуритади. Агар янада ёрқин ранг керак бўлса, унда бальзам ўрнига шаффоф блеск ишлатинг.

Жигарранг тен + лаб учун бальзам = қош бўяйдиган восита

Ҳеч кимга сир эмаски, қошларни ялтирамайдиган жигарранг тен билан бўяш жуда қулай, аммо уларнинг қуруқ ва майдалиги учун узоқ вақт турмайди. Аммо бунинг ҳам йўли бор. Тенга озгина лабга суртиладиган бальзам қўшинг. У керакли ёғли базани беради, бу эса тен узоқроқ туришига имкон беради.

Шаффоф лак + тен = ялтироқ лак

Ҳеч нарса сотиб олмасдан янги тирноқ лакига эга бўлишингиз мумкин, бунинг учун рангсиз лак ва ялтироқ тен керак бўлади. Маҳсулотларни пластик идишда аралаштириб олган маъқул, шунда лакнинг ранги ва суюқ-қуюқлигини осонгина билиб оласиз. Массани бир ҳил бўлгунча яхшилаб аралаштиринг, сўнг одатдагидек тирноқларингизга оро беринг.