“Энг қиммат” деб баҳоланадиган буюмларнинг қандай кўринишда эканлигини кўриш ҳар доим қизиқ бўлган. Масалан, дунёдаги энг қиммат атир ҳақида ҳеч ўйлаб кўрганмисиз? Қуйида шу ҳақдаги маълумотларни тақдим этамиз.
Nabeel Perfumes бренди томонидан ишлаб чиқарилган Shumukh ҳозирда дунёдаги энг қиммат атир ҳисобланади. “Shumukh” сўзи араб тилидан таржима қилинганда “энг яхшисига лойиқ” деган маънони англатади.
Атир сақланадиган уч литрли идиш 3571 дона олмос, улкан марваридлар ва олтин фигуралар билан безатилган мурано ойнасидан қилинган. Бутун структура беш килограмм соф кумушдан иборат. Ушбу атирнинг нархи 1,3 миллион долларни ташкил қилади.
Айтганча, Shumukh косметика ва парфюмерия оламидаги ягона қимматбаҳо буюм эмас. Масалан, энг қимматбаҳо лаб бўёғи ва туш H.Couture Beauty бренди ишлаб чиқарган тўплам ҳисобланади. Бу макияж воситалари дуэти 14 миллион доллар туради.
Гап шундаки, лаб бўёғи трубкаси 18 каратли олтиндан ясалган ва мингдан ортиқ пушти олмос билан безатилган. Туш идиши эса 2500 та кўк рангли олмос билан безатилган.
Изоҳ (0)