Айрим косметик воситаларни бошқаси билан алмаштириш мумкин. “Новий очаг” нашри қош учун гел, қуруқ шампун ва скраб ўрнига фойдаланиш мумкин бўлган косметик маҳсулотлар ҳақида маълумот берди.
Тирноқ кутикулаларини юмшатиш ва намлаш
Агар кутикула маҳсулоти тўсатдан тугаб қолса, қовоқ креми, лаб учун балзам ёки даволовчи лаб бўёғини унинг ўрнида ишаца бўлади. Ушбу маҳсулотлар кўпинча ўсимлик мойлари, мумлар ва намловчи маҳсулотларни ўз ичига олади, яъни улар, албатта, кутикула мойи вазифасини бажаради.
Шиммерсиз ялтиратиш
Юз терисини бироз ялтиратиш керак, бироқ махсус восита топилмадими? Бунинг учун намлантирувчи лосьонга кўз учун мўлжалланган тен қўшилади. Натижада нафақат тери намланади, балки унга енгил товланиш ҳам бериш мумкин.
Қуруқ шампун ўрнида болалар кукунидан фойдаланинг
Зарур вақтда қуруқ шампун бўлмаса, талк ёки болалар кукунини синаб кўриш тавсия этилади. Ушбу маҳсулотлар ортиқча ёғни сўриши учун қуруқ шампун каби натижа беради ва бундан ташқари, қизариш хусусиятини келтириб чиқармайди. Фақат сочларни яхшилаб тараш керак, шунда уларда оқ кукун изи қолмайди.
Эски тушни қош гели сифатида ишлатса бўлади
Агар қош гели тугаб қолган бўлса, эскириб қолган тушларни ташлашга шошилманг. Чўткани яхшилаб ювиб ташлаб, тушга бироз шаффоф балзам ёки лаб учун мўлжалланган блеск қўшилади. Ушбу восита ҳам худди қош гели сингари уларни бир текис шаклда ушлаб туришга ёрдам беради.
Лаб бўёғини тен ёки румяна ўрнида ишлатиш мумкин
Румяна бўламаганда, лаб бўёғи ёрдамга келади. У аввал қўлга суртилади, сўнгра чўтка ёки спонч билан ёйилади. Кейин юзнинг яноқ қисмига суртилади.
Қаҳва ва асал қўшилган скраб
Агар уйда қаҳвадан кейин қолдиқлар қолса, уларни ташлашга шошилмаслик керак. Унга бор-йўғи асал қўшиб, табиий скраб тайёрлаш мумкин. Бу терини тозалашда ажойиб ёрдамчи ҳисобланади. Бироқ аллергик реакцияга йўл қўймаслик учун ушбу косметик композицияни терининг алоҳида жойида синаб кўришни унутмаслик лозим.
Изоҳ (0)