Соч — бу шунчаки ташқи кўриниш эмас, балки инсоннинг фахри ва безаги. Афсуски, кўпчилик сочларга тўғри парвариш қилиш усулларини билмайди ва баъзан ўзимиз ҳам сезмасдан уларга зарар етказамиз. Шу сабабли соғлом ва чиройли сочлар учун оддий, аммо самарали лайфҳакларни билиш жуда муҳим.
1. Оддий сочиқни бошқа нарса билан алмаштиринг
Сочларни ювгандан кейин дарҳол сочиқ билан қуритишга одатланганмиз. Бироқ, одатдаги фротте (юмшоқ ва ғадир-будир) сочиқлар сочларга зарар етказади. Улар ортиқча ишқаланишга сабаб бўлади ва сочларни мўртлаштиради. Бунинг ўрнига, эски пахталик футболка ёки микрофибра сочиқдан фойдаланинг. Улар юмшоқроқ ва сочларга эҳтиёткорона муносабатда бўлади. Сочларни эҳтиёткорлик билан артинг, қаттиқ ишқалашдан сақланинг.
2. Сочларни тўғри таранг
Табиий чўтка соч ҳолатини яхшилайди: табиий ёғларни илдиздан учигача тенг тақсимлаб, сочларга жилва ва силлиқлик беради. Сочларни тарашда пастки қисмидан бошлаб, аста-секин юқорига қараб ҳаракат қилинг. Бу тугунларни мулойимлик билан ечишга ёрдам беради ва сочни шикастламайди. Шунингдек, нам сочни тараш тавсия этилмайди — бу вақтда улар айниқса мўрт бўлади.
3. Сочларни қалинроқ кўрсатиш учун кўз тенидан фойдаланинг
Кўз тенини сочнинг ажралиб турган жойига суртиш визуал тарзда сочларни қалинроқ қилиб кўрсатади. Айниқса, илдизлар ўсган ва бўяшга ҳали вақт бўлмаган пайтларда жуда фойдали. Юзингизга мос рангни танланг, мат бўлиши маъқул — у табиийроқ кўринади. Катта юмшоқ суртиладиган чўтка билан эҳтиёткорлик билан суртинг.
4. Сочларни илдизидан қуритишни бошланг
Фендан фойдаланаётганда бошни эгиб, ҳавони соч ўсиш йўналишига қараб, фақат илдизларига йўналтиринг. Бу сочни қуритиб юбормаслик учун муҳим. Бу усул ёрдамида сочлар янада силлиқ ва нозик, “учиб турувчи” толасиз бўлади.
5. Тиш чўткаси билан сочни силлиқланг
Бу бир оз ғалати эшитилиши мумкин, лекин ишлайди. Агар сизда махсус чўтка бўлмаса, фойдаланилмаган тиш чўткасига озгина лак сепинг ва тўзиб чиққан сочларни силлиқлаш учун ундан фойдаланинг.
6. Сочларни “пучок” қилиб йиғиш учун оддий пайпоқдан фойдаланинг
Сочларни йиғиб, оддий ва ҳажмли “пучок“ ясамоқчимисиз? Оддий пайпоқ етарли. Пайпоқнинг учини кесиб, буклаб ҳалқа шаклида айлантиринг. Сочларни “от думи” қилиб йиғинг ва пайпоқ ҳалқасидан ўтказиб, сочни мустаҳкам жойлаштиринг. Соч учларини ичкарига яширинг ва аста-секин пастга буранг. Натижада – силлиқ ва ҳажмли “пучок” тайёр.
7. Тўлқинлар ҳосил қилиш учун соч дазмолидан фойдаланинг
Сочларингизни кичик ўримчаларга бўлиб, дазмол билан устидан босинг. Сал совишини кутиб, ўримчаларни ечинг — тайёр, табиий тўлқинлар ҳосил бўлади. Бу усул кечқурун соч ўриш одатига ўхшайди, лекин тезроқ натижа беради.
8. Тунда жингалакларни ҳимояланг
Жингалак сочлар нафақат кундузи, балки тунда ҳам эътибор талаб қилади. Пахталик ёстиқ жилдлари сочларни ишдан чиқаради — ишқаланиш сабабли сочлар тарқалиб, бузилади. Сатиин ёки ипак жилдлардан фойдаланинг — улар сочга зиён етказмайди. Яна бир вариант — силлиқ рўмол ёки махсус сатинли қалпоқ кийиш. Бу соч намлигини ушлаб қолади ва эрталаб жингалаклар шаклини йўқотмайди.
Изоҳ (0)