Самарқанд давлат чет тиллар институти ҳудудида қурилаётган 400 ўринли талабалар турар жой биноси сифатсиз қурилаётгани сабаб, қурилиши тўхтатиб қўйилди. Бу ҳақда “Дарё”га Самарқанд вилояти ҳудудий Қурилиш ва уй-жой коммунал хўжалиги соҳасида назорат қилиш инспекцияси ахборот хизмати раҳбари Сарвар Бобоназаров хабар берди.
Маълум бўлишича, ҳолат инспекция ходимлари томонидан рейд тадбирлари давомида аниқланган.
-MGyrTv5G.jpg)
Ишлар сифатсизлиги билан бир қаторда объект қурилиши ҳудудий қурилиш назорат инспекциясидан рўйхатдан ўтмаган ҳолда ўзбошимчалик билан олиб борилмоқда. Давлат хусусий шериклик асосида буюртмачи Самарқанд давлат чет тиллар институти томонидан бунёд этилаётган мазкур қурилишда бир қатор қоидабузарликлар аниқланди. Хусусан, деворларга терилган ғиштларнинг вертикал чоклари қоришма билан тўлиқ тўлдирилмаган. Монолитний майдоннинг армокаркас ҳамултлари лойиҳа бўйича бажарилмасдан масофаси 60 см қилиб бажарилган. Эшик ёнидаги темир бетон сердечник арматураларининг ҳимоя қатлами мавжуд эмас. Регил ва сердечникларда фиксател қўйилмаган. Натижада армокаркаслар бетондан чиқиб қолган, калонна ва региллар ўз ўқида бажарилмаган, дейди масъул.
Бундан ташқари, объектда сифатиз қурилиш материалларидан фойдаланилган.
-NX63d9JK.jpg)
Қуйма темир-бетон зиналарида майда ёриқлар бўлишига қарамасдан монтаж қилинган. Техника хавфсизлиги қоидаларига амал қилинмаяпти. Қурилиш майдони белгиланган тартибда ўралмаган. Объект қурилиш чиқиндиларидан тозаланмаганлиги аниқланиб, қоидабузарликларни бартараф қилиш юзасидан кўрсатмалар берилди. Юқоридаги ҳолатлар юзасидан инспекция ходимлари томонидан масъулларга огоҳлантириш хатлари берилиб, объектда қурилиш ишлари тўхтатилди, дейди Сарвар Бобоназаров.
Изоҳ (0)