Президент «Автойўл кўприклари, йўл ўтказгичлар ва бошқа сунъий иншоотларни қуриш ва улардан фойдаланишни ташкил этиш тизимини такомиллаштириш тўғрисида»ги қарорни имзолади, деб ёзади Norma.
«Кўприкқурилиш» трести» унитар корхонаси («Ўзбекистон темир йўллари» АЖ тизимидаги корхона) йўлаклари билан узунлиги 500 метрдан ортиқ бўлган автойўл кўприклари, йўл ўтказгичлар ва бошқа сунъий иншоотлардан фойдаланиш бўйича ваколатли ташкилот этиб тайинланди.
Унинг таркибида қуйидагилар ташкил этилади:
- иккита ихтисослашган филиал — автойўл кўприклари, йўл ўтказгичлар ва бошқа сунъий иншоотларни қуриш ва қайта қуриш бўйича 1 ва 2-сонли кўприк қурилиш отрядлари;
- ҳудудий тузилмавий бўлинмаларга эга бўлган, автойўл кўприклари, йўл ўтказгичлар ва бошқа сунъий иншоотлардан фойдаланиш бўйича унитар корхона;
- «Автойўл кўприклари, йўл ўтказгичлар ва бошқа сунъий иншоотларни лойиҳалаштириш бўйича институт» УК;
- «Автойўл кўприклари, йўл ўтказгичлар ва бошқа сунъий иншоотларни қуриш бўйича дирекция» УК;
- «Қурилиш сифати бўйича лаборатория» УК;
- «Кўприкқурилиш» трести» УКнинг 13-сонли кўприк отряди ишлаб чиқариш базасида «Темир-бетон ва бошқа конструкцияларни тайёрлаш бўйича завод» УК;
- «Махсус темир-бетон буюмлар ва конструкцияларни ишлаб чиқариш бўйича завод» УК.
Изоҳ (0)