Тошкент шаҳар Миробод тумани, Шаҳрисабз кўчасида жойлашган Miran International меҳмонхонасидаги қурилиш олиб борилаётган бинода ёнғин содир бўлаётгани тўғрисида Тошкент шаҳар ФВБга 16 октябрь куни соат 17:17 да хабар тушган. Бу ҳақда пойтахт ФВБ матбуот хизмати хабар берди.
Шунга кўра, 14 та ёнғин-қутқарув экипажи воқеа жойига соат 17:24 да етиб бориб, ёнғин соат 18:19 да қуршаб олинган ва соат 19:16 да бартараф этилди.
Ёнғин натижасида тан жароҳати олган ва вафот этган фуқаролар тўғрисида хабар келиб тушмади.
Ҳозирда ёнғин сабаби ва келтирилган моддий зарар миқдори аниқланмоқда.
(хабар соат 19:55 да қўшимча маълумотлар билан тўлдирилди)
Аввалроқ Юнусободда янги қурилаётган бинонинг томи ёниб кетган эди.
Изоҳ (0)