Алишер Навоий номидаги Ўзбекистон давлат академик катта театри саҳнасида 2 октябрь куни режиссёр Стефано Пода талқинида “Тамерлано” операсининг премьераси бўлиб ўтди. Унда президент ёрдамчиси Саида Мирзиёева иштирок этди.
Жорж Фридерик Ҳанделнинг (1685-1759) оригинал мусиқаси бастакор Кирилл Рихтер сайқалида, ўзбек миллий чолғу асбоблари жўрлигида оркестр томонидан ижро этилди.
“Операнинг жаҳон премьераси бундан роппа-роса 300 йил муқаддам, 1724 йилда бўлиб ўтган — бу Ғарбий Европа мусиқа санъатининг Темурийлар салтанати асосчиси Амир Темурга бағишланган дурдона асари эди.
Бу премьера биз учун ўтмиш ва бугунни боғлайдиган муҳим маданий воқеадир”, деб ёзади Саида Мирзиёева.
Изоҳ (0)