Афруза Ҳамдамова шахмат бўйича Ўзбекистон тарихида қизлар ўртасида илк жаҳон чемпиони бўлгани ҳақида хабар берилганди. Президент ёрдамчиси Саида Мирзиёева 26 ноябрь тонгида Ўзбекистонга қайтиб келган Афрузани шахсан кутиб олди.
“Ўз ғалабалари билан барча ташаббусларимиз, биз курашаётган мақсадларимиз тўғри эканини тасдиқлаган Афрузадан жуда миннатдорман. Тенг имкониятлар, хотин-қизларга ҳурмат ва улар иқтидорининг эътирофи шулар жумласидан”, — деб ёзди у ўз саҳифасида.
.jpg)
Саида Мирзиёева қизнинг бош мураббийи — отаси Акбар Ҳакимовга алоҳида миннатдорлик билдирди.
“Қизалоқнинг бош мураббийи — отаси Акбар ака Ҳакимовга алоҳида раҳмат айтмоқчиман. Қизингизнинг истеъдодини ривожлантиришга куч ва вақтингизни аямаганингиз учун ташаккур. Хотин-қизларимизни юқорига кўтараётган бундай оталар, эркаклар янада кўп бўлсин. Афрузамизга ҳамиша омад ва бахт ҳамроҳ бўлсин!”, — деди Мизиёева.
Шахмат бўйича ёшлар ўртасидаги жаҳон чемпионати Италияда бўлиб ўтди. Унда 14 ёшгача бўлган спортчилар орасида ўзбекистонлик Афруза Ҳамдамова жаҳон чемпиони унвонига сазовор бўлди.
Қайд этиб ўтиш жоиз, Афруза Ўзбекистон тарихида қизлар ўртасидаги илк жаҳон чемпионига айланди.
Изоҳ (0)