АҚШ президенти Дональд Трамп россиялик ҳамкасби Владимир Путиннинг айрим ҳаракатлари уни Украина тарафини очиқча қўллаб-қувватлашга ундаши мумкинлигини айтди. Бу ҳақда у Тhe Atlantic нашрига берган интервьюсида маълум қилди.
Трамп мазкур интервьюда Украина президенти Владимир Зеленский томонида бўлиши “мажбурий эмас”лигини қайд этди.
Мен Зеленский билан муаммоларга дуч келганман. Бу ерда, шу креслода ўтирган пайтида сиз ҳам бунга гувоҳ бўлгансиз — у айтаётган гапимни тушунмаган эди, дея Трамп февраль ойида Оқ уйдаги шов-шувли учрашувни эслади.
АҚШ президенти агар Путин 24 апрель куни Киевга қилинган зарбадан сўнг айтилган “тўхтанг” деган чақириқни инобатга олмаса, Россияга қарши санкцияларни кучайтиришини айтди. У Кремль ҳарбий ҳаракатларини давом эттирса, АҚШ Украинага ёрдам беришини маълум қилди.
Трамп яна бир бор Украина урушини тўхтатмоқчи эканини таъкидлади. Унинг фикрича, агар у уруш бошланган вақтда президент бўлганида, бу уруш умуман бошланмаган бўларди. У яқин ҳафта Украинадаги уруш тугаши масаласида жуда муҳим бўлишини қайд этди.
Россия ҳарбийларининг Украинага даҳшатли зарбаларига қарамай, Трамп ҳамон Путиннинг тинчликка интилишига ишонади. У Кремль раҳбари бутун Украинани эгаллаб олишни хоҳлагани, аммо айнан Америка етакчиси туфайли бундай бўлмаслигини айтди
Ўйлайманки, у, айтайлик, мени ҳурмат қилади ва мен туфайли у бутун Украинани эгаллаб олмаслигига ишонаман. Аслида у бутун Украинани эгаллашни истаган, деди Трамп.
Бундан ташқари, АҚШ раҳбари иккинчи муддатида ўзини аввалги муддатдагидан яхшироқ ҳис қилаётганини айтди.
Биринчи президентлик муддатидан менда иккита вазифа бор эди — мамлакатни бошқариш ва омон қолиш, Энди эса мамлакат ва дунёни бошқариш, дея хулоса қилди сиёсатчи.
♦ Украинанинг урушни тугатиш шартлари
♦ Россия шартлари
Изоҳ (0)