Покистон президенти Асиф Али Зардорийнинг аҳволи ёмонлашгани боис зудлик билан Карачидаги хусусий шифохонага ётқизилган. Бу ҳақда Покистон оммавий ахборот воситалари маълум қилмоқда.
Покистон Халқ партияси берган маълумотларга кўра, Зардорий ҳозирда даволанмоқда, унинг аҳволини баҳолаш учун зарур тиббий текширувлар ўтказиляпти. Шифохона атрофида хавфсизлик чоралари кучайтирилган. Ҳуқуқ-тартибот органлари муассаса ҳудудига рухсатсиз киришни чеклаб қўйган.
Таъкидлаш жоизки, президент шифохонага ётқизилишидан бир кун олдин Навабшоҳдаги қароргоҳида Миллий ассамблея спикери ўринбосари Ғулом Мустафо Шоҳ ҳамроҳлигида Рамазон ҳайити муносабати билан ўтказилган ибодатларда қатнашган эди.
Ҳозирча унинг соғлиғи ҳолати ҳақида расмий баёнот берилгани йўқ.
Осиф Али Зардорий 2024 йилнинг 9 март куни Покистоннинг янги президенти этиб сайланганди. У 2008 йилдан 2013 йилгача ҳам мамлакатга президентлик қилган.
Изоҳ (0)