Ўзбекистон ташқи ишлар вазири Бахтиёр Саидов Покистон президенти Асиф Али Зардорий билан учрашди. Бу ҳақда вазирлик матбуот хизмати хабар берди.
Маълум қилинишича, Покистон президентига вазир Ўзбекистон президентининг саломини етказган.
“Икки томонлама муносабатларимизда ҳали фойдаланилмаган улкан салоҳиятни рўёбга чиқаришга қаратилган Ўзбекистон—Покистон алоқаларини кенгайтириш тарафдоримиз. Учрашувимиз кун тартибида иқтисодий дипломатиядаги муҳим имкониятларни кўрсатувчи кенг кўламли мавзулар муҳокама қилинди. Биз давлат ташкилотлари ва хусусий сектор вакиллари ўртасида мустаҳкам ҳамкорликни рағбатлантирамиз”, — дейилади хабарда.
Кеча, 8 май куни Бахтиёр Саидов Покистон савдо вазири Жам Камол Хон билан ҳам учрашув ўтказган эди.
Изоҳ (0)