Uzbekistan Airways Тошкентдан Дубай ва Шарм аш-Шайх йўналишларида қатновчи рейслар бўйича муҳим ахборот билан чиқди. 

Келтирилишича, Эрон ҳаво ҳудудидан фойдаланиш бўйича жорий этилган чекловлар сабабли Uzbekistan Airways 2025 йил 15 июндан 30 июнгача Тошкент–Дубай ва Тошкент–Шарм аш-Шайх йўналишларидаги рейслар жадвалига ўзгартиришлар киритади:

HY333/334 рейслари:

• Тошкентдан учиш — 07:35, Дубайга етиб келиш — 11:00
• Дубайдан учиш — 12:30, Тошкентга етиб келиш — 17:30

HY341/342 рейслари (сешанба кунлари):

• Тошкентдан учиш — 08:50, Шарм аш-Шайхга етиб келиш — 13:20
• Шарм аш-Шайхдан учиш — 14:50, Тошкентга етиб келиш — 22:30

HY341/342 рейслари (чоршанба ва якшанба кунлари):

• Тошкентдан учиш — 08:35, Шарм аш-Шайхга етиб келиш — 13:05
• Шарм аш-Шайхдан учиш — 14:35, Тошкентга етиб келиш — 22:15

Вазият юзасидан

Исроилдаги ўзбекистонликларга заруриятсиз кўнгилочар жойларга бормаслик тавсия қилингани ҳақида хабар берилганди.

13 июнь куни кечқурун Эрон Исроилга баллистик ракеталар билан оммавий ҳужум уюштирди. Тель-Авив ва Қуддусда портлашлар бўлди. Ушбу ҳужум туфайли етказилган зарар ва жабрланганлар ҳақида аллақачон маълумотлар пайдо бўлди.

Эроннинг Исроилга қарши амалга оширган тўрт босқичли ракета ҳужуми оқибатида 3 киши ҳалок бўлди ва камида 70 киши жароҳат олди.

Эрон ҳаво ҳудуди ёпилгани сабаб шу куни Uzbekistan Airways авиакомпаниясининг Тошкент—Жидда йўналишидаги HY5343 рейси, Fly Dubai авиакомпаниясининг Тошкент—Дубай йўналишидаги ФЗ1942 рейси Тошкентга қайтишга мажбур бўлди.

Air Cairo авиакомпаниясининг Олмаота—Шарм аш-Шайх йўналиши бўйича СМ882 рейси ва Qatar Airways авиакомпаниясининг Сеул—Доҳа йўналиши бўйича QR8985 рейси Тошкент аэропортига фавқулодда қўнди.

Бундан ташқари, Эрон ҳаво ҳудуди ёпилгани сабаб 13 июнда Тошкентдан учадиган:

• Fly Dubai авиакомпаниясининг Дубай—Тошкент—Дубай йўналиши бўйича ФЗ-1945/1946 рейслари;
• Аир Arabia авиакомпаниясининг Шаржа—Тошкент—Шаржа йўналиши бўйича Г9-270/271 рейслари;
• Asia Union авиакомпаниясининг Тошкент—Мадина—Тошкент йўналиши бўйича 7қ-141/142 рейслари бекор қилинди.

Бундан ташқари, 

Тель-Авив Бен-Гурион аэропорти ва минтақа ҳаво маконининг вақтинча ёпилиши муносабати билан 15 июнь кунги 9С 501/502 Самарқанд—Тель-Авив рейси бекор қилинди.

Исроилга бошқа саналардаги рейслар ҳақида қўшимча равишда хабар берилиши айтилди.

Рейси бекор қилинган барча йўловчилар олдиндан э-маил орқали, шунингдек чипталарни харид қилган жойларда — кассалар ва сайёҳлик агентликларида хабардор қилиниши айтилди.

Uzbekistan Airways, шунингдек, Тошкент–Тель-Авив–Тошкент йўналишидаги рейслар йўловчилари учун шошилинч ахборот билан чиқди. Тель-Авив халқаро аэропортида ҳаво ҳудудидан фойдаланиш бўйича жорий этилган чекловлар сабабли Uzbekistan Airways 2025 йил 16 июндан 30 июнгача Тошкент–Тель-Авив–Тошкент йўналишидаги рейсларни вақтинча тўхтатишга мажбур бўлди.