Бугун буюк мутафаккир шоир Алишер Навоий таваллудининг 584 йиллиги муносабати билан Навоий шаҳридаги маданият ва истироҳат боғида Алишер Навоий ҳайкали пойига гул қўйилиб, ҳурмат бажо келтирилди.
Унда вилоят ҳокими ва масъуллар, симпозиумга ташриф буюрган хорижий меҳмонлар ҳамда республикада фаолият олиб бораётган адабиёт, илм-фан ва санъат аҳли иштирок этди.
-FhzhZKw0.jpg)
-W8On21O6.jpg)
Навоий вилоятида “Алишер Навоий ва Шарқ ренессанси” анъанавий халқаро симпозиуми ўз ишини давом эттиряпти. Тадбирлар шаҳардаги “Фарҳод” маданият саройида пойтахтлик ҳамда маҳаллий санъаткорлар, шоир ва олимлар иштирокидаги “Назм ва наво” мусиқали кечаси билан давом этди.
Вилоят ҳокими Нормат Турсунов “Алишер Навоий ва Шарқ ренессанси” халқаро симпозиуми ҳар йили Навоий вилоятида ўтказиш таклифи билан чиқди.
Шунинг билан 8—9 февраль куни Навоий вилояти мезбонлик қилган “Алишер Навоий ва Шарқ ренессанси” симпозиуми ўз ишини якунлади.
Хорижий давлатларда ҳам Алишер Навоий таваллуди 584 йиллиги муносабати билан унинг ҳайкали пойига гуллар қўйилди.
Хусусан, Ашхобод шаҳридаги Махтумқули Фироғий номидаги маданият ва истироҳат боғи мажмуасида ўрнатилган Алишер Навоий ҳайкали пойига гул қўйиш маросимида Туркманистон давлат, маданий ва жамоат ташкилотлари вакиллари, хорижий дипломатик корпус раҳбарлари ва ходимлари иштирок этди. Япония пойтахти Токионинг Сока университети ҳудудида жойлашган Алишер Навоий ҳайкали пойига ҳам гул қўйилиб, хотирасига ҳурмат бажо келтирилди.
Ҳозирда Токио, Сеул, Шанхай, Вашингтон, Москва, Минск, Остона, Боку, Анқара, Ашхобод, Душанбе, Ўш, Лакителек каби шаҳарларда Навоийга бағишлаб монументал санъат ёдгорлиги ўрнатилган.
Изоҳ (0)