Ғазода Исроил аскарлари 12 июнь куни эрталаб ёрдам пунктида яна оломонга қарата ўт очган. Ҳарбий бульдозерлар эса Женин қочқин лагерини бузиб ташлаш арафасида. Бу ҳақда Al Jazeera хабар берди.
“Ҳодиса оқибатида камида 13 киши ҳалок бўлган ва 200 га яқин киши яраланган. 11 июнь куни эса камида 57 нафар одам ҳалок бўлди”, дея маълум қилди Соғлиқни сақлаш вазирлиги.
Ғазо гуманитар жамғармаси ўз автобусларидан бирига ҳужум қилинганда камида 5 нафар ходим ҳалок бўлганини айтганди. Бу ҳаракатда ҲАМАС айбланган, аммо гуруҳ масъулиятни бўйнига олмаган эди.
Соғлиқни сақлаш вазирлигининг маълум қилишича, мамлакатда қон танқислиги мавжуд. Зудлик билан камида 7000 бирлик қон кераклиги айтилган. Қашшоқлик ва очлик туфайли қон бериш учун кўнгиллилар етарли эмаслиги қайд этилган.
Исроил ҳарбий бульдозерлари Женин лагерини бузиб ташлайди
Женин қочқинлар лагерига бульдозерлар жойлаштирилган. Исроил ҳарбийлари бу ҳудудда кенг кўламли вайронагарчилик ҳаракатини давом эттирмоқда. 12 июнь куни эрта тонгда Исроил ҳарбий машиналари ҳамроҳлигидаги бульдозерлар Женин лагери томон йўл олганини очиқланган. Исроилнинг Женин вилоятидаги ҳарбий амалиёти 140 кундан бери давом этмоқда.
Бу вақт ичида у 40 дан ортиқ фаластинликнинг ўлимига ва ўнлаб одамларнинг жароҳатланишига сабаб бўлган. Босқинчи кучлар, шунингдек, минглаб аҳолини кўчириб, Женин ҳудудидаги 600 дан ортиқ уйни бутунлай бузиб ташлаган.
6 июнь куни Исроил молия вазири Безалел Смотрич Франция ва бошқа Европа давлатлари Фаластин давлатини тан олишда давом этса, босиб олинган Ғарбий Соҳилда ҳаракатлар янада ортишидан огоҳлантирганди.
Изоҳ (0)