Маҳаллий фаластинлик аскар 9 июнь куни Ғазо гуманитар жамғармаси пунктларидан бирида аҳолини ўққа тутгани айтилмоқда. Бу ҳақда BBC хабар берди.
Гувоҳларнинг билдиришича, биринчи марта фаластинлик қуролланганлар томонидан гуманитар жамғарма объекти яқинида аҳоли ўққа тутилган. Шунингдек, Исроил қўшинлари бунга жавобан ўқ узганларга ҳужум қилгани айтилган.
Ғазонинг ҲАМАС томонидан бошқариладиган Соғлиқни сақлаш вазирлиги ёрдам йиғиш учун мўлжалланган ҳудудларда 6 киши ҳалок бўлгани ва 99 киши жароҳатланганини маълум қилган.
Исроил ҳарбийлари ҳисоботларни кўриб чиқаётганини айтди. Жамғарма 9 июнь куни ишламаганини айтиб, ҳеч қандай ҳодиса содир бўлмаган, деб ҳисобот берган.
Сўнгги марта, 7 июнь куни ғазоликлар Исроил ҳарбийлари томонидан ўққа тутилгани ва оқибатда 6 киши ҳалок бўлиб, яна бир неча киши жароҳатлангани айтилганди. Ўтган ҳафтанинг ўзида ёрдам пунктларида ўнлаб фаластинликлар ҳалок бўлиб, юзлаб одамлар яраланганди. АҚШ ва Исроил томонидан қўллаб-қувватланадиган Ғазо гуманитар жамғармаси кўп сонли оломон билан ишлаш ва хавфсизликни янада яхшилаш учун ўз фаолиятини тўхтатгани билдирилганди.
Изоҳ (0)