Россиянинг Брянск вилоятида остидан йўловчи поезд ўтаётган кўприк қулаб тушди, деб хабар бермоқда “РИА Новости”.
“Москва темир йўллари” маълумотларига кўра, воқеа 31 май куни соат 22:44 да содир бўлган. Бу вақтда кўприк остидан Климов—Москва йўналишидаги йўловчи поезди ўтаётган бўлган. Қайд этилишича, кўприк қулаб тушишига “транспорт фаолиятига ноқонуний аралашиш” сабаб бўлган.
Сўнгги маълумотларга кўра, ҳодиса оқибатида 7 киши ҳалок бўлди. 70 га яқин киши жароҳатланди, шундан уч нафари болалар.
Бундан ташқари, 1 июнь куни Курск вилоятида юк локомотиви ҳаракатланаётганда кўприк қулаб тушган. Оқибатда тепловозда ёнғин чиққан.
-v4hmzpwX.avif)
Москва транспорт прокуратураси воқеа жойидан олинган суратларни эълон қилди. Айни пайтда ҳодиса сабаблари ўрганилмоқда.
Изоҳ (0)