Римнинг жануби-шарқидаги Гордиани кўчасида жойлашган ёнилғи қуйиш шохобчасида содир бўлган портлаш ва ёнғин оқибатида камида 40 киши жароҳат олган. Воқеа жойидан олинган видеоларда осмонда улкан тўқ сариқ олов шари ва уйлар устидан кўтарилаётган тўқ кулранг тутун устуни кўзга ташланади.
Жабрланганлар орасида полициячилар, ўт ўчирувчилар, ёнилғи қуйиш шохобчаси ходимлари ва ҳайдовчилар бор. Кўпчиликда жиддий куйишлар, шиша ва парчаланган қисмлардан жароҳатлари ҳамда буғланишдан заҳарланиш ҳолатлари кузатилмоқда.
Полиция комиссари Роберто Масуччи авариянинг энг эҳтимолий сабаби суюлтирилган газни тушириш пайтидаги бахтсиз ҳодиса эканлигини таъкидлаган. Иккита портлаш юз берган бўлиб, иккинчиси кучлироқ бўлган.
-25BxoXHw.avif)
Corriere della Sera газетасининг хабар беришича, ёнилғи қуйиш шохобчасига энг яқин бинолар жиддий зарар кўрган. Шохобчаси атрофидаги иккита турар-жой биноси эвакуация қилинган. Ҳозирда зарарни баҳолаш ишлари олиб борилмоқда. Суратларга кўра, ўша пайтда болалар учун ёзги оромгоҳ ишлаётган бассейнли маҳаллий спорт маркази жиддий шикастланган.
Портлаш тўлқини бутун шаҳар бўйлаб эшитилган. Портлаган цистернанинг бўлаклари 300 метрдан ортиқ масофага сочилиб кетган.
Изоҳ (0)