Шавкат Мирзиёев ва Италия бош вазири Жоржа Мелони 29 май куни Самарқанд шаҳридаги Конгресс марказида ташкил этилган “Ўзбекистон ва Италия: цивилизациялар мулоқоти” кўргазмасини томоша қилди.
Президент матбуот хизматининг хабар қилишича, ноёб экспозиция икки мамлакат ўртасидаги чуқур тарихий, илмий ва маданий алоқаларга бағишланган. У “Рим ва Кушон империяларининг савдо муносабатлари”, “Биринчи Уйғониш даври”, “Марко Поло”, “Амир Темур”, “Мирзо Улуғбек” ва “Заҳириддин Муҳаммад Бобур”, “ХIX асрда Ўзбекистондаги италияликлар”, “Иккинчи жаҳон урушида ўзбекистонликларнинг Италияни озод қилишга қўшган ҳиссаси”, “Ўзбекистон ва Италия: маданий меросни асраш” каби 9 та мавзули бўлимдан ташкил топган.
Меҳмонларга Афросиёбнинг “Самарқанд ҳукмдори томонидан элчиларни қабул қилиш маросими” номли деворий суратнинг машҳур италиялик уста Мауро Пеллисонни томонидан Флоренсия мозаикаси услубида ишланган ноёб нусхаси намойиш этилди.
-qRPQtmvA.avif)
-_3KWlUoo.avif)
Шунингдек, етакчилар турли тарихий ёдгорликлар, график тасвирлар, қўлёзма ва миниатюралар, нодир адабий нашрлар, ҳайкаллар, архив суратлари ва ҳужжатлари билан танишди.
-etGGjqYy.avif)
-b5VjRgPz.avif)
Италия бош вазиринининг Самарқандга ташрифи
Италия бош вазири Жоржа Мелони Шавкат Мирзиёев таклифига биноан 28 май куни расмий ташриф билан Ўзбекистонга келди. Самарқанд халқаро аэропортида бош вазирни Ўзбекистон етакчиси кутиб олди. Сўнг давлат раҳбарлари Самарқанд шаҳридаги Регистон майдонида, Silk Road Samarkand халқаро туризм марказидаги “Боқий шаҳар” тарихий-этнографик боғида бўлди. Рақс жамоаларининг чиқишларидан иборат маданий дастур намойиш этилди.
29 май куни Италия бош вазирини расмий кутиб олиш маросими бўлиб ўтди. Шу куни Шавкат Мирзиёев ва Жоржа Мелонининг юзма-юз ҳамда расмий делегациялар иштирокидаги музокаралари бўлиб ўтди. Унинг якунида Ўзбекистон ва Италия стратегик шериклигини мустаҳкамлаш бўйича декларация имзоланди. Икки давлат ўртасида яна бир қатор ҳужжатларни имзолаш маросими ўтказилди.
Изоҳ (0)