2024/25 йилги УЕФА Чемпионлар Лигаси финали доирасида бўлиб ўтган “ПСЖ” — “Интер” учрашуви ўз ниҳоясига етди. 31 май, шанба куни Мюнхендаги “Allianz arena” стадионида ўтказилган баҳсда Париж жамоаси рақибини йирик – 5:0 ҳисобида мағлуб этиб, бош совринга эга чиқди.
Учрашувда ҳисоб эрта очилди. 12-дақиқада Ашраф Ҳакими “ПСЖ”ни олдинга олиб чиққан бўлса, орадан 8 дақиқа ўтиб Десир Дуэ иккинчи голни киритди — 2:0. Дастлабки бўлим айнан шу ҳисобда якунланди.
Иккинчи тайм тенг курашлар билан бошланди. Бироқ Луис Энрике бошчилигидаги “ПСЖ” яна бир бор устунлигини кўрсатди — 63-дақиқада Дуэ ўзининг иккинчи голини урди. 73-дақиқада Хвича Кварацхелия тўртинчи гол муаллифига айланди, 86-дақиқада эса Сенну Маюлу ҳисобни йирик 5:0 кўринишига келтирди.
Шу тариқа, “ПСЖ” ҳал қилувчи баҳсда “Интер” устидан йирик ғалабага эришиб, УЕФА Чемпионлар Лигасининг навбатдаги мавсумида чемпионликни қўлга киритди.
УЕФА Чемпионлар Лигаси
Финал. “Allianz arena”, Мюнхен
31 май, шанба
“ПСЖ” — “Интер” 5:0
Голлар: 1:0 — Ҳакими (12), 2:0 — Дуэ (20), 3:0 — Дуэ (63), 4:0 — Кварацхелия (73), 5:0 — Майулу (86).
Изоҳ (0)