Мадриднинг “Реал” клуби ҳужумчиси Родриго Гоэс яқин орада жамоани тарк этиши мумкин. Бу ҳақда таниқли журналисти Экрем Конурга таяниб Euro-Football хабар берди.
Манбага кўра, Саудиянинг икки гранд клуби – “Ан-Насср” ва “Ал-Ҳилол” бразилиялик футболчининг хизматларига жиддий қизиқиш билдирмоқда. Ҳар икки жамоа 24 ёшли футболчини қўлга киритиш учун кураш олиб бормоқда.
Қайд этилишича, Родриго Килиан Мбаппенинг жамоага қўшилганидан сўнг ўзини “Реал” сафида ноқулай ҳис қилмоқда. Бу эса унинг трансфер эҳтимолини янада оширмоқда.
Шу билан бирга, Англиянинг “Арсенал” клуби ҳам Родригога жиддий қизиқиш билдирган. Бироқ “Реал Мадрид” ҳозирча ўз футболчисини сотиш ниятида эмас.
Эслатиб ўтамиз, Родриго 2024/25 йилги мавсумда барча мусобақалар доирасидаги 51 та ўйинда майдонга тушиб, ўз ҳисобига 14 та гол ва 10 та голли узатма ёздириб қўйган. Унинг “қаймоқранглилар” билан шартномаси 2028 йилнинг ёзига қадар амал қилади. Transfermarkt портали ҳужумчининг қийматини 90 миллион еврога баҳолаган.
Изоҳ (0)