Мадриднинг “Реал” клубига бош мураббий этиб тайинланган Хаби Алонсо “қаймоқранглилар” ҳужумчиси Родригонинг келажаги ҳақида фикр билдирди.
Олдинроқ ОАВда бразилиялик футболчи мавсум охирида жамоани тарк этишни режалаштираётгани ҳақида хабарлар пайдо бўлганди.
У ҳозирча “Реал” футболчиси ва ҳар бир ўйинчи билан алоҳида суҳбатлашишни режалаштирганман, чунки бу жуда муҳим. Родриго — ажойиб истеъдод эгаси, бизга жуда керакли футболчи. Унинг жамоада қолишини истайман, дея Алонсо сўзларини келтиради Marca нашри.
Маълумот учун, Родриго жорий мавсум “Реал” жамоаси сафида 50 ўйинда майдонга тушиб, ўз ҳисобига 13 та гол ва 10 та голли узатма ёздириб қўйган.
Аввалроқ, футболчи Алонсо жамоага келгач, у билан суҳбатлашиб кўриши ва шундан кейин якуний қарор қабул қилишини маълум қилган эди.
Шунингдек, ОАВда бразилиялик футболчига Англиянинг “Челси” ҳамда “Манчестер Сити” клублари жиддий қизиқиш билдираётгани ҳақида хабарлар тарқалганди.
Изоҳ (0)