Филиппиннинг собиқ президенти Родриго Дутерте Давао шаҳрида бўлиб ўтаётган мер сайловида ғалаба қозониш учун курашмоқда. У аввалроқ Халқаро жиноий суд томонидан ҳибсга олинган ва ҳозир ҳам қамоқда. Бу ҳақда Al Jazeera хабар берди.
Мамлакат Сенатида унинг оиласи томонидан қўллаб-қувватланаётган беш номзод Сенат пойгасида етакчилик қилмоқда. Оралиқ сайлов натижалари Дутерте сиёсий сулоласининг ҳокимиятга эга чиқаётганидан далолат бермоқда.
Сайлов натижалари Родриго Дутертенинг қизи вице-президент Сара Дутерте учун катта ижобий ўзгариш бўлди. У 2024 йилнинг июль ойида Сенат томонидан импичментга учраган эди. Энди уни лавозимидан четлаштириш учун, шу жумладан 2028 йилги президентлик сайловларида иштирок этишига тўсқинлик қилиш учун 2/3 Сенат овози талаб қилинади.
Сенатдаги 24 ўриндан 12 таси ва Вакиллар палатасидаги 317 та ўриннинг барчаси асосий сайловда ғалаба қозониш учун курашаётган 18 320 та электив ўринлар қаторига кирди. Мамлакатда овоз бериш учун 69 миллионга яқин киши рўйхатга олинган.
Сайловда ким ғалаба қозонади?
Президент Маркос Жуниор томонидан қўллаб-қувватланган номзодлар Сенатдаги 12 ўриндан олтитасини қўлга киритиш учун курашмоқда. Дутертенинг тарафдорлари, жумладан, унинг содиқ иттифоқчиси Кристофер “Бонг” Го бешта ўринни қўлга киритиши кутилмоқда. Бир ўринни эгаллаётган номзод иккала сиёсий оилага ҳам алоқадорлиги айтилмоқда. Родриго Дутерте 65 фоиздан ортиқ овоз тўплаган тақдирда, Давао мери лавозимини қўлга киритади. Дутерте уч марта Давао шаҳар мери бўлиб, у ерда жами 22 йил ишлаган. Филиппинда жиноий жавобгарликка тортилган номзодлар, жумладан, қамоқда сақланаётганлар судланмаган бўлса, ўз номзодини қўйиши мумкин.
Президент Маркос Жуниор ва вице-президент Сара Дутерте сайловда иштирок этмаётган бўлса-да, уларнинг номзодлари сенат ва муниципал идораларда даъвогарлик қилмоқда.
Сара Дутерте 2028 йилги президентлик сайловларига кучли даъвогар ҳисобланади. Унинг сиёсий келажагини 24 аъзодан иборат Сенат ҳал қилади. У судланмаслик учун тўққиз нафар Сенат аъзосининг қўллаб-қувватлашига муҳтож. 12 нафар сайланган сенатор унинг импичменти бўйича суд жараёнида ҳакамлар ҳайъатининг ярмини ташкил қилади. Суд жараёни тахминан июль ойида бўлиб ўтади. Агар у айбдор деб топилса, лавозимидан четлаштирилади ва кейинги сайловларда иштирок эта олмайди. 2025 йил февраль ойида Вакиллар палатаси уни давлат маблағларини суиистеъмол қилишда ва Маркосга суиқасд уюштиришда айблаб Сарага импичмент эълон қилинган эди.
Уининг айтишича, икки оила ҳокимият учун курашаётган бир пайтда импичмент сиёсий қасоснинг бир қисми ҳисобланади. Юзлаб ҳокимлар, минглаб шаҳар ҳокими ва муниципал ҳокимлик ўринлари тақдири ҳам шу сайловда ҳал бўлди. Расмий натижалар бир ҳафта ичида чиқиши кутилмоқда.
Маркос ва Дутерте оилалари ўртасидаги сиёсий рақобат нимадан иборат?
Родриго Дутерте 2025 йил 11 март куни Маркос Жуниор маъмурияти томонидан ҳибсга олинган ва Ҳаагадаги Халқаро жиноий судга олиб кетилган. Унинг мерлик ва президентлик даврида 30 минг киши ҳалок бўлган. Полиция маълумотларига кўра, 2016-2022 йилларда у ҳокимиятда бўлган даврда гиёҳвандликка қарши операциялар чоғида 7 мингдан ортиқ одам ҳалок бўлган. Маълум қилинишича, аслида қурбонлар сони анча кўпроқ бўлган.
Маркос Жуниор ўзининг муваффақиятли 2022 йилги президентлиги пайтида машҳурликка эришган Дутерте оиласи билан иттифоқ тузган. Сара Дутерте эса унинг ёрдамчисига айланган. Аммо Маркоснинг Родриго Дутерте томонидан бошланган гиёҳванд моддаларга қарши урушни рад этиши туфайли муносабатлар ёмонлашган.
Охир-оқибат собиқ президент Дутертенинг маънавий маслаҳатчиси бўлган Аполлон Қуиболой ҳибсга олинганидан кейин Маркос Жуниорни қўллаб-қувватловчилар камайиб кетган. Шу билан икки оила ўртасидаги иттифоқ барбод бўлган. Родриго Дутертенинг ҳибсга олиниши икки сиёсий сулола ўртасидаги зиддиятни янада кучайтириб юборган.
Изоҳ (0)