“Арсенал” ёзги трансфер ойнасида “Брайтон”нинг япониялик вингери Каору Митомани ўз сафига қўшиб олиш учун жиддий ҳаракат қилиб кўради. Бу ҳақда журналист Флориан Плеттенберг хабар бермоқда.
Аввалига лондонликлар “Реал Мадрид” ҳужумчиси Родриго билан шартнома имзоламоқчи эди, бироқ молиявий томондан бир қанча муаммолар пайдо бўлди ва бу трансфернинг амалга ошиши сўроқ остида турибди. Шу сабабли, “Арсенал” энди бошқа вариантларга эътибор қаратмоқда — улардан бири Митома.
Митомага Германиянинг “Бавария” клуби ҳам жиддий қизиқмоқда. Мюнхенликлар Флориан Вирцни қўлга киритишда муваффақиятсизликка учрагач, унга муқобил вариант сифатида япониялик вингерни харид қилиш ҳақида ўйламоқда.
27 ёшли футболчиси 2022/23 йилги мавсумдан буён “Брайтон” сафида ҳаракат қилмоқда. У ўзининг тезлиги, дрибблинги ва креатив ўйинлари билан мухлислар меҳрини қозонган. “Арсенал” ва “Брайтон” ўртасидаги муносабатлар ижобий — сўнгги йилларда Бен Уайт ва Леандро Троссард каби футболчилар билан боғлиқ келишувлар бунга мисол бўла олади. Клуб харидор жамоалар айтилган суммани тўласа, Каоруни қўйиб юборишга қарши эмаслигини маълум қилган.
Митоманинг “Брайтон” билан шартномаси 2027 йилнинг ёзига қадар амал қилади. У жорий мавсум Англия Премьер Лигаси доирасидаги 35 та баҳсда майдонга тушиб, ўз ҳисобига 10 та гол ва 3 та ссист ёздириб қўйган. Transfermarkt портали Митомонинг қийматини 45 миллион еврога баҳолаган.
Изоҳ (0)