Мадриднинг “Реал” клуби ҳужумчиси Килиан Мбаппе келаси мавсумдан янги рақам остида ўйнаши мумкин. Бу ҳақда Foot Mercato нашри хабар бермоқда.
Манбага кўра, клуб француз футболчисига Лука Модрич жамоада кетгач, бўш турган 10-рақамни таклиф қилган. Хорватиялик футболчи 2012 йилдан бери “қироллик клуби” шарафини ҳимоя қилиб келади. У 2020 йилдан бери 10-рақамга эгалик қилади.
Килиан ўтган мавсум “Реал” сафига қўшилган ва олдинги йиллар Карим Бензема ҳаракат қилган 9-рақам остида ўйнаб келаётган эди. Хабарларга кўра, футболчи клубнинг таклифига ижобий муносабат билдирган ва яқин кунлар ичида бу рақамни қабул қилиши кутилмоқда.
Маълумот учун, Килиан Франция терма жамоасида ҳам 10-рақамли либосда ўйнайди. Шунингдек, у “Монако”да 29, “ПСЖ”да эса 7-рақамда ҳаракат қилган.
Якунига етган мавсум Мбаппе Ла Лиганинг энг яхши тўпурарига айланди. У 34 та гол уриб, “Олтин бутса”ни қўлга киритди. Унинг “Реал” билан қўлга киритган ягона соврин — УЕФА Суперкубоги ҳисобланади.
Изоҳ (0)