“Реал” Килиан Мбаппе трансферини эълон қилди.
“ПСЖ” ҳужумчиси мадридликлар сафига эркин агент сифатида ўтди. Мбаппе “Реал” билан 5 йиллик шартнома имзолади.
Футболчининг тақдимот маросими Евро—2024 мусобақасидан сўнг бўлиб ўтади.
Килиан “қаймоқранглилар” сафида марказий ҳужумчи позициясида тўп суради. Дастлаб ҳужумчи 9-рақамда тўп суради. 2025 йилда Лука Модрич клубни тарк этгач, унинг 10-рақами Мбаппега берилади.
Килиан 2017 йилдан буён “ПСЖ” шарафини ҳимоя қилаётган эди. 7 мавсум давомида футболчи 256 та гол билан клуб тарихида энг яхши тўпурарга айланди.
Жамоа билан биргаликда 6 марта Франция чемпионлигини, 4 марта Франция Кубогини, 3 марта Франция Суперкубогини, 2 марта Лига Кубогини қўлга киритди.
Изоҳ (0)