Англия Премьер Лигаси 2030 йилгача Ўзбекистонда Setanta Sports телеканали орқали намойиш этилади. Бу ҳақда телеканалнинг расмий Telegram каналидаги подкастда маълум қилинди.
Маълумотларга кўра, Setanta Sports Англия Премьер Лигасини тўғридан-тўғри эфирда кўрсатиш ҳуқуқини 2030 йилга қадар узайтирган. Бундан ташқари, кучли бешлик чемпионатларининг (Ла Лига, Бундеслига, А Серия, Лига 1) қолганлари ҳам катта эҳтимол билан айнан шу телеканалда эфирга узатилишда давом этади.
Қолаверса, “Дарё” манбасига кўра, яқин йилларда Англия Премьер Лигаси трансляциялари ўзбек тилидаги шарҳ билан ҳам берилиши мумкин.
Эслатиб ўтамиз, Setanta Sports 2022 йилдан буён Ўзбекистон ҳудудида Англия Премьер Лигаси ўйинларини намойиш этиб келмоқда. Унгача бу ҳуқуқ UzReport ва Futbol TV каналларига тегишли бўлган. Улар 2017 йилдан 2022 йилга қадар АПЛ ҳамда Ла Лига доирасидаги баҳсларни трансляция қилган.
Изоҳ (0)