Макроиқтисодий ва ҳудудий тадқиқотлар институти мутахассислари томонидан 2025 йилнинг май ойида иккиламчи бозорда автомобиллар нархининг ўзгариши таҳлил қилинди.

Маҳаллий оммабоп автомобиллар нархи

Май ойида маҳаллий оммабоп автомобилларнинг ўртача нархи апрель ойидагига нисбатан қуйидагича арзонлашди:

• Onix: кўп фойдаланилгани 800 долларга (13 800 доллардан 13 минг долларга), ўртача фойдаланилгани 220 долларга (13 700 доллардан 13 480 долларга); 
• Lacetti: кам фойдаланилгани 100 долларга (14 800 доллардан 14 600 долларга); кўп фойдаланилгани 100 долларга (13 минг доллардан 12 900 долларга), ўртача фойдаланилгани 75 долларга (14 075 доллардан 14 минг долларга);
• Cobalt: кам фойдаланилгани 144 долларга (12 700 доллардан 12 556 долларга);
• Nexia: ўртача фойдаланилгани 100 долларга (11 минг доллардан 10 900 долларга);
• Spark: кўп фойдаланилгани 100 долларга (8 900 доллардан 8 800 долларга); 
• Damas: кўп фойдаланилгани 200 долларга (7 200 доллардан 7 минг долларга), ўртача фойдаланилгани 200 долларга (7 800 доллардан 7 600 долларга), кам фойдаланилгани 50 долларга (8 050 доллардан 8 минг долларга). 

Маҳаллий люкс автомобиллар нархи

Маҳаллий люкс автомобиллар нархи эса қуйидагича ўзгарди: 

• Equinox: кам фойдаланилгани 1 166 долларга (34 666 доллардан 33 500 долларга);
• Malibu: кам фойдаланилгани 750 долларга (31 250 доллардан 30 500 долларга); ўртача фойдаланилгани 1450 долларга (29 950 доллардан 28 500 долларга); 
• Tracker: ўртача фойдаланилгани 300 долларга (17 300 доллардан 17 минг долларга), кам фойдаланилгани 175 долларга (18 600 доллардан 18 425 долларга) арзонлашган.

Шунингдек, Equinox’нинг ўртача фойдаланилгани апрель ойига нисбатан 700 долларга  (29 800 доллардан 30 500 долларга), кўп фойдаланилгани 200 долларга (26 минг доллардан 26 200 долларга) қимматроқ таклиф этилган бўлса, кўп фойдаланилган Tracker (16 минг доллар) нархида ўзгариш кузатилмади.

Электромобильлар нархи

Мазкур даврда ўртача фойдаланилган BYD Song Plus EV Champion 150 долларга (26 350 доллардан 26 200 долларга) арзонлашган бўлса, бошқа электромобиллар ўртача нархи:

• BYD Han: ўртача фойдаланилгани 2000 долларга (32 минг доллардан 34 минг долларга), янгиси 1 100 долларга (31 900 доллардан 33 минг долларга);
• BYD Song Plus EV Champion: янгиси 1100 долларга (27 800 доллардан 28 900 долларга);
• BYD Yuan Up: ўртача фойдаланилгани 850 долларга (19 300 доллардан 20 150 долларга), янгиси 406 долларга (20 500 доллардан 20 906 долларга) қимматлашди.

Хорижий автомобиллар нархи

Май ойида хорижий автомобиллар нархи сезиларли даражада арзонлашди:

• Kia Carnival: кўп фойдаланилгани 3 500 долларга (36 минг доллардан 32 500 долларга), кам фойдаланилгани 2 028 долларга (47 минг доллардан 44 972 долларга), ўртача фойдаланилгани 1 000 долларга (46 минг доллардан 45 минг долларга);
• Kia Sorento: кўп фойдаланилгани 2 100 долларга (35 250 доллардан 33 150 долларга), ўртача фойдаланилгани 1 700 долларга (38 минг доллардан 36 300 долларга);
• Kia К5: кам фойдаланилгани 2 777 долларга (32 минг доллардан 29 223 долларга), кўп фойдаланилгани 350 долларга (25 300 доллардан 24 950 долларга), ўртача фойдаланилгани 150 долларга (27 150 доллардан 27 минг долларга);
• Kia Sportage: кўп фойдаланилгани 2 250 долларга (28 500 доллардан 26 250 долларга), ўртача фойдаланилгани 200 долларга (30 минг доллардан 29 800 долларга);
• Hyundai Elantra: кўп фойдаланилгани 1 000 долларга (21 минг доллардан 20 минг долларга), ўртача фойдаланилгани 301 долларга (21 201 доллардан 20 900 долларга);
• Kia Seltos: кўп фойдаланилгани 1 000 долларга (23 минг доллардан 22 минг долларга), ўртача фойдаланилгани 409 долларга (24 850 доллардан 24 441 долларга) азронлашди. Шунингдек, кам фойдаланилган Elantra ва Sorento мос равишда 116 доллар (24 112 доллардан 24 228 долларга) ва 1 250 долларга (43 250 доллардан 44 500 долларга) қимматлашди. 

2024 йилнинг ноябрь ойида ўртача фойдаланилган маҳаллий оммабоп автомобиллар ҳамда хорижий люкс автомобиллар ўртача нархлари пасайган бўлса, маҳаллий люкс ва электромобиллар нархларида сезиларли ўзгариш кузатилмади. 2024 йил декабрь ойида иккиламчи автомобиль бозорида фаоллик пасайишда давом этди ва бу ўртача нархларда ўз аксини топганди. 2025 йилнинг январида Ўзбекистон иккиламчи автомобиль бозорида январь ойида пасайиш давом этди. Маҳаллий оммабоп автомобиллар нархи 2024 йилнинг декабрь ойидагига нисбатан арзонлашди.