“Дарё”да Тошкент шаҳрининг Янгиҳаёт туманидаги 409 та ёғоч уй бузилиши, эски уйлар ўрнида 72 гектар майдонга эга боғ яратилиши айтилаётгани, ҳудуд аҳолисининг бундан хабари йўқлиги, уларга масъуллар ҳали ҳеч нарса демагани маълум қилинганди. Бугун Янгиҳаёт тумани ҳокими Ҳаёт Иноғомов иштирокидаги матбуот анжуманида шу саволларга жавоб берилди, дея хабар берди “Дарё” журналисти.
Ёғоч уйларимизни кўчириш ҳақида икки йил олдин ҳам айтиб ўтгандик. Нима қиламиз, нима қўямиз, деб ўйладик. Кўп квартираларимиз яроқсиз ҳолатга келди, маънавий эскирди. Бу уйларимиз 1966 йилда Тошкентда содир бўлган зилзиладан кейин вақтинча беш йил муддатга қурувчилар учун қурилган уйлар бўлган. Ҳозир бу уйларга 60 йил бўлди. Ишга келганимиздан бери қандай қиламиз, нима қиламиз, деб ўйлаймиз. Ўрнига қурамизми ёки бошқа қурамизми, деб ҳам ўйладик. Охири Тошкент шаҳар ҳокими президентимиз Шавкат Миромонович билан маслаҳатлашиб, ҳурматли президентимизга айтдик. Яъни инвестор 4300 та квартирамизни кўчириб, ўрнига 1,5 триллионга уй қуриб беришига тўхталдик. Шунақа бўлдики, ёғоч уйлардаги фуқароларимизни аввал кўчириб, уларни янги уйлар билан таъминлаб, ўрнида ҳеч қандай қурилиш қилмай, 60 йиллик дарахтларимизни сақлаб қолиб, боғ қиладиган бўлдик, деди туман ҳокими.
-geH06XM7.jpg)
Ҳокимнинг айтишича, ёғоч уйлар ўрнида қад ростлайдиган боғ тадбиркорларга берилмайди.
Бекорга 80 гектар ерни шундай ташлаб қўямизми, деган фикр ҳам пайдо бўлди. Ўйлаб кўрсак, янги дом қуриш учун котлован қазиш керак. Бу ердан сув чиқиб кетади. Ковлайдиган бўлсак, дарахт илдизлари бор, илдизига тегсак, дарахт қурийди. Шунинг учун бу ерда умуман қурилиш қилмасдан парк қилишга қарор қилдик, дейди ҳоким вазиятга изоҳ берар экан.
-uGtJ0NFx.jpg)
Ҳокимнинг таъкидлашича, ёғоч уйларда яшовчилар учун 24 гектар майдонга эга янги манзилда кўп қаватли уйлар қурилиб, 2-3 йилда битказилади ва 4300 та квартира эгалари ўша ерга кўчирилади.
Янги уйларимиз 24 гектар майдонда қурила бошланди. 16 қаватли уйлар қуриб битказилиши билан ёғоч уйлардаги аҳоли 2-3 йилда босқичма-босқич ўша ерга кўчирилади, деди туман раҳбари.
Изоҳ (0)