• Профилга Кириш
  • 1744009905_435.svg 1744009905_642.svg

  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
O'zbekcha
Русский
English
  • O'zb
  • Ўзб
  • Рус
  • Eng
  • O'zb
  • Ўзб
  • Рус
  • Eng
  • Сўнгги янгиликлар
  • Асосий янгиликлар
  • Энг кўп ўқилган
  • Колумнистлар
    • USD12768.26
    • RUB162.63
    • EUR14400.04
    • Google play
    • App Store
    • Telegram
    • Тошкентда
      +26°C
      • Андижон
      • Қарши
      • Бухоро
      • Самарқанд
      • Фарғона
      • Сирдарё
      • Жиззах
      • Термиз
      • Наманган
      • Тошкент
      • Навоий
      • Тошкент вил
      • Нукус
      • Урганч
    • Daryo
      • Интернет-нашр
      • Таҳририят
      • Алоқа маълумотлари
      • Фойдаланиш шартлари
      • Махфийлик сиёсати
      • Янгиликлар архиви
    • Реклама
    • Ижтимоий тармоқлар
      • Instagram | Расмий
      • Instagram | Лайфстайл
      • Instagram | Спорт
      • Facebook | Расмий
      • OK | Расмий
      • YouTube | Daryo
      • YouTube | Daryo Рус тилида
      • YouTube | Daryo Глобал
    Telegram Youtube Facebook Instagram Twitter vkontakte
    Daryo logo white
    • Ўзбекистон
      • Бошқалар
      • Навоий
      • Тошкент вилояти
      • Сирдарё
      • Жиззах
      • Қашқадарё
      • Сурхондарё
      • Хоразм
      • Бухоро
      • Самарқанд
      • Наманган
      • Фарғона
      • Aндижон
      • Қорақалпоғистон
      • Тошкент ш.
      • Меҳридарё
      • Об-ҳаво
    • Марказий Осиё
      • Ўзбекистон (Маҳаллий)
      • Афгонистон
      • Қирғизистон
      • Қозоғистон
      • Туркманистон
      • Тожикистон
    • Дунё
    • Пул
      • Бизнес
      • Иқтисодиёт
      • Молия
      • Крипто
    • Маданият
      • Кино
      • Китоб
      • Мусиқа
      • Шоу-бизнес
    • Лайфстайл
      • Аёллар саҳифаси
        • Фарзанд
        • Гўзаллик
        • Карьера
        • Маслаҳатлар
        • Мода
        • Рецептлар
      • Технологиялар
        • Архитектура
        • Гаджетлар
        • Илм-фан
        • Коинот
        • Медиа
      • Авто
      • Қўзиқорин
      • Саёҳат
      • Саломатлик
      • Таълим
        • Абитуриент
        • Инглиз тилини ўрганамиз!
    • Спорт
      • Футбол
      • UFC
      • Бокс
    infinix
    Daryo.uz - Login
    Daryo.uz Daryo.uz
    Daryo.uz - Login
    Ўзбекистон

    «Ҳоким менга 2 йўл қолдирди» — Minerva City атрофида нималар бўлмоқда? Ҳокимлик ҳолатни қандай изоҳлади?

    Minerva City’га ер ажратишда ҳокимликлар амалдаги тартибни бузгани сабаб инвесторга берилган ҳудуд «классик» усулда – прокурор аризаси ва суд қарори билан тортиб олинган. Инвестор Мурали Лал Жалан Kun.uz’га берган интервьюсида ернинг олиб қўйилишини ҳоким талабини бажармагани билан боғлаб тушунтирди.

    Ўзи нима бўлганди?

    2018 йилнинг 28 сентябрь куни MJ Developers Ўзбекистон ҳукумати билан 100 миллион долларлик сармоя шартномасини имзолаб, ўзининг 4 та йирик лойиҳасига сармоя киритишни бошлаган. Дастлаб Бухорода 5 юлдузли меҳмонхона қурилиши, кейинроқ Наманганда Namangan Square, Тошкентда Minerva city «ақлли» шаҳарчалари ҳамда Бектемир туманида Lake City сунъий кўли қурилиши бошланган.

    Маълум бўлишича, ҳозирда Бухоро ва Намангандаги ишлар муаммосиз давом этмоқда.

    Бухорода қурилаётган Hyatt regency меҳмонхонаси / Фото: MJ Developers
    Бухорода қурилаётган Hyatt regency меҳмонхонаси / Фото: MJ Developers
    Namangan Square ақлли шаҳарчаси қурилиши / Фото: MJ Developers
    Namangan Square ақлли шаҳарчасида қурилаётган турар жойнинг ички қисми / Фото: MJ Developers

    Бошида пойтахтдаги қурилишлар ҳам бир маромда кетаётганди. 2020 йилда Тошкентнинг Янгиҳаёт туманида 100 гектар ҳудудда шопинг ва бизнес марказлари, меҳмонхоналар, турар жойлар ва яна қатор бинолардан иборат Minerva city номли ақлли шаҳарча қурилиши старт олди.

    Minerva city ақлли шаҳарча лойиҳаси

    Лойиҳанинг бир қисми ҳисобланган халқаро университет биносининг тамал тошини қўйиш маросимида пойтахт ҳокими Жаҳонгир Ортиқхўжаев ҳам қатнашиб, лойиҳа барча учун оламшумул бўлиши, бу жараёнда сармоядорларга ҳар тарафлама ёрдам берилиши ва уларга имкониятлар очиб берилишини айтганди.

    Тошкент шаҳар ҳокими Жаҳонгир Ортиқхўжаев ва инвестор Мурари Лал Жалан Minerva City’га тамал тоши қўймоқда.

    Орадан салкам 3 йил вақт ўтди. Ҳудудда турар жой мажмуаларининг бир қисми бунёд этилди. Аммо ҳозирга келиб ишлар тўхтаб қолган.

    Тошкент шаҳар Янгиҳаёт туманида тўхтаб қолган қурилиш / Фото: Kun.uz
    Тошкент шаҳар Янгиҳаёт туманида тўхтаб қолган қурилиш / Фото: Kun.uz
    Тошкент шаҳар Янгиҳаёт туманида тўхтаб қолган қурилиш / Фото: Kun.uz

    Ижтимоий тармоқларда турар жой мажмуаларига тўлов қилган икки юздан зиёд фуқароларнинг шикоятлари тарқалди. Улар хонадон калитларини ҳануз олмагани, берган пуллари эса белгиланган муддат ўтган бўлса-да, қайтарилмаганидан норози.

    Ижтимоий тармоқларда тарқалган видеодан скриншот

    Kun.uz вазиятга ойдинлик киритиш ва баъзи саволларга жавоб топиш мақсадида MJ Developers компанияси асосчиси, инвестор Мурари Лал Жалан билан суҳбатлашди.

    MJ Developers компанияси асосчиси Мурари Лал Жалан / Фото: Kun.uz

    — Келинг, дастлаб Ўзбекистонга келишингиз ҳақида гаплашсак. Ўзбекистонда тадбиркорлик қилишга сизни нима етаклади?

    — Сўнгги 30 йилдан бери асосан МДҲ давлатларида ишлаб келяпман. Биласизми, Ўзбекистон ҳақида жуда кўп эшитгандим. 2018 йилда Ўзбекистон президенти Ҳиндистонга расмий ташриф билан бориб, мамлакат бош вазири Нарендра Моди жаноблари билан учрашган. Ўшанда турли масалалар бўйича музокаралар олиб борилган. Шундан сўнг Ўзбекистонга 100 млн долларлик сармоя киритиш мақсадида давлатлар ўртасида асосий битим имзоланди.

    Албатта, Ўзбекистон ҳақида бир қанча таассуротим бор эди. 2017 йилдан кейинги ўзгаришларни кўриб, ҳатто бироз ҳайратландим ҳам.

    Қолаверса, Шавкат Мирзиёевнинг Ҳиндистонга қилган ташрифи давомида элчихонамиз, ҳукуматимиз сайтларида Ўзбекистонга сармоя киритиш бўйича тавсиялар берилгач, шу ерга келишга қарор қилдим.

    — Адашмаётган бўлсак, Minerva city лойиҳасини амалга ошириш бошланаётганда бош вазир Абдулла Арипов, шаҳар ҳокими Жаҳонгир Ортиқхўжаевнинг шахсан ўзлари сизни қўллаб-қувватлашган эди, тўғрими?

    — Шубҳасиз, улар бизни қўллаб-қувватлаган эди. Дастлаб Ўзбекистоннинг Ҳиндистондаги элчихонаси томонидан бош вазир билан учрашув ташкил этилди ва ўша учрашувда бизга Ўзбекистонда бирор лойиҳани амалга ошириш таклифи берилди. Бундан кейин биз Тошкент шаҳар ҳокими билан ҳам кўришдик. Уларнинг қўлловидан сўнг меморандумлар имзоланди.

    Бу жараёнда жуда кўп ишлар бўлиб ўтди. Ўша самарали учрашувларимиздан сўнг 2019 йилнинг 12 август куни бош вазир томонидан инвестиция муҳитини яхшилаш, хусусан, Minerva city’да ақлли шаҳрини қуриш лойиҳаси бўйича 5-сонли ишчи гуруҳи протоколи имзоланди.

    Minerva city номли ақлли шаҳарчани қуриш лойиҳаси бўйича 5-сонли ишчи гуруҳи протоколи
    Minerva city номли ақлли шаҳарчани қуриш лойиҳаси бўйича 5-сонли ишчи гуруҳи протоколи

    Унга кўра, ҳудудда IT, тиббиёт ва бизнес марказлари, кутубхоналар, меҳмонхона, голф-клуб биноси, боғча ва хорижий мактаблар каби муассасалар қурилиши режа қилинган.

    Худди шу йилнинг 29 августида яна бир инвестицион шартнома Minerva World of Knowledge МЧЖ, Ўзбекистон Инвестициялар ва ташқи савдо вазирлиги ҳамда Тошкент шаҳар ҳокимлиги ўртасида имзоланганди.

    2019 йил август ойида имзоланган уч томонлама инвестицион шартнома
    Шартномага имзо чеккан томонлар

    Шунингдек, орада ўтказилган бошқа учрашувда ҳокимиятдагилар кўндирганидан кейин, Роҳат кўлини ривожлантириш лойиҳасини ҳам ўз зиммамга олдим. Тўғриси, бу кўп муҳокамаларга сабаб бўлган лойиҳага унча қизиқмаган эдим. Мен тушунтирдим, бу лойиҳа етарлича режалаштирилмаган ёки лойиҳалаштирилмаган. Бу борада муросага келиш мумкин эди, чунки бошқа лойиҳаларни аллақачон бошлаган эдик.

    Ўша йили 23 октябрда Lake City Township МЧЖ, Инвестициялар ва ташқи савдо вазирлиги, Тошкент шаҳар ҳокимлиги ўртасида 397-сонли инвестиция шартномаси имзоланган. Унга кўра, лойиҳада Бектемир туманида аквапарк, бассейнлар, кўнгилочар мажмуалар, шифохона, дўконлар ҳамда шу каби бинолар қурилиши келишиб олинган.

    Lake city лойиҳаси бўйича имзоланган уч томонлама инвестицион шартнома
    Шартномага имзо чеккан томонлар
    Инвестицион шартнома бўйича имзоланган яна бир қўшимча келишув
    Қўшимча келишувга имзо чеккан томонлар

    — Minerva city лойиҳасига қанча пул сарфланган? Шундан қанчаси ўз инвестициянгиз ва қанчаси уй-жой учун одамлардан олинган пуллар?

    — Лойиҳа учун киритган жами сармоямиз салкам 30 млн долларни, харидорлардан тушган маблағ эса 4,8 млн долларни ташкил этади. Ва бунда барча архитекторларга, консалтинг хизматларига тўланган суммалар киритилмаган. Умуман олганда, биз томонимиздан Minerva city ва Lake City лойиҳаларига 34 млн доллардан ортиқ инвестиция киритилган.

    Бу жараёнда Ўзбекистондаги ҳеч қайси банкдан кредит олинмаган.

    — Лойиҳа бошида бош вазир ва ҳокимнинг сизга нисбатан муносабати қандай бўлган ва ҳозирга келиб бу муносабат нима сабаб ўзгариб қолди?

    — Ана энди нима учун муносабатлар ўзгаргани ҳақида гапирсак. Бир неча ой ўтди, лекин Minerva city ва Lake City лойиҳалари учун тўлиқ бош режани ололмадик. Мен бу борада Тошкент шаҳар ҳокими билан учрашиб олишни сўрадим, аммо ҳоким бу таклифни рад этди. Шундан кейин кутилмаганда прокуратура, экология, ёнғин хавфсизлиги бошқармалари каби давлат идоралари ходимлари қурувчиларнинг ишига халал бера бошлашди.

    Энг йирик қурилиш компанияларидан бири билан музокараларни якунлаб, энди шартнома имзолаймиз деганимизда, улар бирданига бундан воз кечишди. Билсак, Тошкент шаҳар ҳокимияти уларга биз билан шартнома имзоламасликни маслаҳат берган экан. Шаҳар ҳокимияти нафақат қурилиш ташкилотлари, балки қатор давлат идораларига ҳам тез-тез текширувлар ўтказиш бўйича кўрсатмалар берибди. Ҳоким билан учрашиш борасидаги барча сўровларимиз эса рад этилди.

    2021 йил март ойида Жаҳонгир Ортиқхўжаев мени ҳокимлик биносига чақириб, шантаж йўли билан қўпол муомала қилди. Менга 2 та йўл қолдиришди: ё лойиҳаларимдан бирини, масалан, Бектемир туманида жойлашган Lake City’ни амалга оширишдан расман воз кечишим, ё 100 миллион долларни депозит сифатида банкка жойлашим керак эди. Мен ҳокимга келишувдан ташқари ҳеч ким янги талаблар қўймаслигини, тадбиркор сифатида 7 йил ичида сарфланиши керак бўлган пулни кимнингдир ҳожати учун олдиндан ўтказиш қийинлигини тушунтирдим.

    Аммо ҳоким агар ўз хоҳишим билан шу ишдан бирини қилмасам, Minerva city’ни ҳам, қолган барча лойиҳаларим ҳам олиб қўйилишини ва Ўзбекистонда кун кечиришим қийин бўлишини айтди. Бошида шартномани имзолаётганимизда, барча келишувга амал қилиниши ва мажбуриятлар бажарилиши ваъда қилганди, энди эса ҳоким бу мамлакатда шартномалар ҳеч қандай рол ўйнамаслигини таъкидламоқда.

    — Ижтимоий тармоқларда кўплаб фуқаролар ҳануз Minerva city’дан уй олишолмагани ёки пулларини қайтаришмагани бўйича норозилик билан чиқишди. Бу муаммони ҳал қилиш сизга боғлиқми?

    — Ижтимоий тармоқларда турли видеолар билан чиқаётган фуқароларнинг хавотирларини албатта тушунамиз, улар киритган маблағларига куйиб қолишдан, умидлари сўнишидан қўрқишмоқда. Бу борада компаниямиз харидорлар билан суҳбатлашиб, 3 ой муддатда уларга маблағларини қайтариш бўйича келишув қилишди. Тўғри, муаммо ҳал бўлиб қолгани йўқ, лекин биз пулларни қайтаришда давом этяпмиз.

    Аммо бу лойиҳалар тўхтайди, жараён давом этмайди дегани эмас. Биз Ўзбекистон президентининг сиёсатига ишонамиз ва умид қиламизки, муҳтарам президент мен каби инвесторларни қўллаб-қувватлаб, лойиҳани амалга оширишимизда ёрдам беради. Ҳатто ишончим комилки, жаноб президент бу вазиятни ўзгартира олади ва харидорларимиз бу уйларни олишида муаммо бўлмайди. Уларнинг ёрдамидан умидвормиз.

    Шуни ҳам маълум қиламиз, Minerva city’даги кўплаб хонадонлар тайёр бўлиб қолди.

    — Турли нашрлар сиз ҳақингизда салбий хабарлар ёзмоқда, гўёки Мурари Лал Жалан бир нечта давлатда жиноят содир этиб, қидирувга берилган. Бу гапларга қандай изоҳ берасиз?

    — Мен дунёдаги бирор мамлакатда қидирилаётганим йўқ. ОАВ қандай қилиб бу ҳақда гапирмоқда ва бу хабарни қаердан олишди, билмайман. Ҳақиқатан ҳам қидирилаётган бўлганимда, жиноят содир этганимда Ўзбекистоннинг қатъий қонунчилиги сабаб аллақачон ушланган бўлар эдим. Мободо, биз тарафдан қандайдир хатолик ўтган тақдирда Ўзбекистон Республикаси томонидан чоралар кўрилган бўлар эди.

    — Ака-ука Гупталарга алоқаси бор деган гапларга қандай жавоб берасиз? Боиси Гупталар кўплаб давлатларда коррупция билан боғлиқ жиноятлар қилишда айбдор деб топилган ва ҳозирда қидирувга берилган экан. Бу борада нима дея оласиз?

    — Хўп, бу ҳақда билганимча гапириб бераман. Кўриб турганингиздек, ҳинд нашри ҳам бу хабарни ўзи аниқлаб берган эмас, балки ғарб ОАВларидан олишмоқда. Ва мен бунга батафсил тўхталмоқчи эмасман.

    Қолаверса, шуни биламанки, бу ердаги барча гаплар ҳам тўғри эмас. Чунки барча халқаро нашрлар: ўша ғарбда ҳам, ҳиндларда ҳам бир-бирига қарама-қарши бўлган хабарлар бериляпти. Биттаси бундай деса, иккинчиси умуман бошқа гапни айтяпти. Шунинг учун буларга ишониб қолиш керак эмас.

    Бундан ташқари, ака-ука Гупталарнинг мени лойиҳаларимга умуман алоқаси йўқ. Уларнинг қариндошлари орасидан бизга келин ёки куёв бўлиб тушганлар бор, холос. Қариндошлигимиз шунда, улар билан бошқа ҳеч қандай алоқамиз йўқ. Бизнес борасида ҳам яқин эмасмиз. Мен барча сармояни банкдаги ҳисобрақамимдан сарфлаганман. Ва бу ҳисобрақамим Дубайда жойлашган.

    Инвестор манфаатлари ҳимоя қилинмаётгани айтилмоқда

    Minerva City лойиҳаси учун 100 гектар ерни Тошкент вилояти ва Зангиота тумани ҳокимлари ажратиб берган. Орадан маълум вақт ўтгач, Тошкент вилояти прокурори судга даъво киритиб, унумдор қишлоқ хўжалиги ерлари қонунчилик талабларига зид ажратилганини билдирган ва ер ажратиш тўғрисидаги қарорларни бекор қилишни сўраган. Суд бу талабни қаноатлантирган; кейинги инстанцияларда, хусусан Олий судда ҳам дастлабки суд қарори ўзгаришсиз қолдирилган.

    MJ Developers компаниясининг Kun.uz'га маълум қилишича, нафақат Minerva city, балки Lake city лойиҳаси тўхтатилишига ҳам қурилиш учун ер ажратиш тўғрисидаги қарорлар бекор қилингани сабаб бўлган. Компаниянинг ҳисоблашича, ҳар иккала лойиҳа бўйича ҳам уч томонлама шартномаларда қурилиш учун мўлжалланган ерлар харитаси ва манзиллари аниқ кўрсатилганига қарамай, қарорларни нотўғри чиқариш ёки ноқонуний бекор қилиш орқали инвестор манфаатлари ва унинг Ўзбекистонга киритаётган инвестицияси ҳимоя қилинмаяпти.

    Компания ҳуқуқшуносининг айтишича, мазкур жараён 2019 йилда қабул қилинган «Инвестициялар ва инвестиция фаолияти тўғрисида»ги қонуннинг 19-моддаси (Қонунчиликнинг инвестор учун ноқулай ўзгаришларига қарши кафолатлар) бузилишига олиб келмоқда. Инвестор томони судларда иш учун аҳамиятли ҳолатлар тўлиқ ўрганилмаганини даъво қилмоқда.

    Шунингдек, ҳуқуқшуноснинг қўшимча қилишича, Minerva City турар жойлари учун тўлов қилган 200 нафардан зиёд фуқаролар билан компания ўртасида тузилган асосий шартномаларга кўра, улушдорларга шу йил декабрь ойида ва кейинги йил январь февраль ойларидан бошлаб хонадонлар топширилишига келишилган. Аммо инвесторга боғлиқ бўлмаган муаммо тўсатдан пайдо бўлгандан сўнг, компания бўлаётган муаммолар ҳақида мижозларни олдиндан бохабар қилиш мақсадида уларни бош сотув офисига чақирган ва пулларини қайтариб бериш бўйича келишувга эришган.

    Kun.uz мухбири Дилшода Шомирзаева суҳбатлашди.

    Материал эълон қилингач, ҳолат юзасидан Тошкент шаҳри ҳокимлиги муносабат билдирди.

    Унга кўра, Мурали Лал Жаланнинг интервьюсида Тошкент шаҳри ҳокимига нисбатан айтган гаплари ҳуқуқий баҳо берилмагунга қадар давлат хизматчисини обрўсизлантиришга қаратилган деб ҳисобланади.

    Мурали Лал Жалан гапларининг асосли ёки асоссизлигини текшириш учун ва айбдорларга нисбатан қонуний чора кўришларини сўраб Ўзбекистон Республикаси Бош прокуратурасига мурожаат қилинади. Барча оммавий ахборот воситаларини Ўзбекистон Республикаси Бош прокуратураси томонидан ушбу ҳолатни қонуний асосда ўрганиб чиқилгунга қадар, асоссиз маълумотларни тарқатмасликка чақирамиз, — дейилади хабарда.
    28.11.2022, 22:26   Изоҳ (1)   28738
    Facebook Twitter LinkedIn Telegram Email

    Изоҳ (1)

    Кириш
    1. 1961785061@telegram.org / 28.11.2022, 23:44

      Shu tugrimi yuqmi bilmadim lekin shu eb tuymaslarni deb milionlab uzbeklar mardikor bulib yuribti.

      Жавоб бериш
    Жавоб қолдиринг Бекор қилиш

    Мавзуга доир

    Россияда қийин аҳволда қолган ўзбекистонликларга ёрдам кўрсатилди

    28.11.2022, 22:11

    Қибрай ва Қаршида янги «Имкон» реабилитация марказларига эга МТТлар ишга тушди

    28.11.2022, 21:30

    Йўл 16 соатдан 7 соатгача қисқаради: президент тезюрар поезд Нукусгача боришини айтди

    28.11.2022, 21:13

    Саудиялик тадбиркор Ўзбекистонда 300 минг долларлик лойиҳани амалга оширади

    28.11.2022, 21:08

    Ўзбекистонга бир кунда иккинчи бор Pfizer вакцинаси олиб келинди

    28.11.2022, 20:27

    Тошкентда хорижликлар учун ўзбек тили тайёрлов мактаби очилди

    28.11.2022, 20:21
    ×Lightbox Image

    Daryo.uz | Сизнинг муаммоингиз ечими


    Энг чуқур ғор, энг баланд кўприк ва энг сирли маскан – Наманганга борамиз


    Centrum Air янги Airbus A320neo — авиапаркидаги тўққизинчи самолётни қабул қилиб олди 


    “Ўзбекинвест” IUA аъзосига айланди ва Лондоннинг глобал суғурта бозорида ўз мавқеини мустаҳкамлади


    InfinBANK Visa Direct орқали халқаро пул ўтказмаларига қўйилган лимитларни оширди 


    Оқтепа Лавашдан “Кулгили нархлар”: севимли таомлар — ҳар бир позиция 10 мингдан 20 минг сўмгача бўлган махсус нархларда


    Chery газга ўтмоқда: кафолат тўлиқ сақланиб қолинади, ўрнатиш эса 31 майгача бепул! 


    Сўзлар аҳамиятга эга: TBC Bank 8 март табрикларини пулларга айлантириб, аёллар тадбиркорлигини қўллаб-қувватлади


    “Бизнесни ривожлантириш банки” бизнес учун қулай инновацион банк бўлишга интилмоқда


    Ипотека Банк OTP Group ўзини ўзи банд қилганларга янги ипотека дастурини ишга туширди: ҳужжатларсиз, асаббузарликсиз, самарали натижалар билан


    “Akkermann цемент” халқаро форуми: қурилиш материаллари соҳасидаги муаммолар кенг таҳлил қилинди


    Acıbadem шифохоналар тармоғида қон касалликларини замонавий даволаш усуллари: лейкоз ва бошқа касалликлар


    UZTELECOM 10 Гбит/с тезликдаги уй интернетини фойдаланувчиларга тақдим этди


    МКБАНК халқаро молия бозорида: Қозоғистон банкларидан 15 миллион доллар жалб қилинди


    Илғор қурилиш технологиялари асосида қад ростлаётган Қуйи Чотқол ГЭС


    Абадий ишончлилик ва хавфсизлик: GWM соҳанинг янги стандартларини жорий этмоқда

     

    Тавсия этамиз

    “Икки хонали уй учун 715 млн сўмдан”. “Дарё”даги мақоладан сўнг пойтахт ҳокимлиги уйсиз қолган аҳолига хонадон сотиб олиш учун маблағ ажратди

    28 май, 21:15

    Будапешт фасадлари: санъат кўчада яшайди (фото)

    27 май, 10:00

    Гестапо ва КГБ хизматида бўлган бухоролик “штирлиц”

    26 май, 19:00

    Аёл овчилардан илғор самолётларга қадар — Украина рус Shahed’ларини қандай овлайди?

    19 май, 20:10
     
     
     

    Сўнгги янгиликларга ўтиш

    Ҳаваскорлар ўртасидаги футбол мусобақасида оммавий жанжал юзага келди (видео)

    Спорт | 30 май, 11:05

    Разведка Путин ҳарбий ёрдам учун Ким Чен Инга нима берганини аниқлади

    Дунё | 30 май, 10:58

    Миллиардлар сарфланган “Қизалоқ ва маймоқ” мультфильми қандай қилиб бутун дунёга машҳур бўлди?

    Кино | 30 май, 10:50

    Хитойлик парапланчи 8 минг метрдан ортиқ баландликдан сакраб омон қолди (видео)

    Дунё | 30 май, 10:42

    iPhone 16 модели 2025 йилда дунёдаги энг кўп сотилган смартфон бўлди

    Технологиялар | 30 май, 10:24

    Ўзбекистонда 5 йилда кибержиноятлар билан 1,9 трлн сўмдан ортиқ пул талон-торож қилинди

    Ўзбекистон | 30 май, 10:16

    Ла Лига. VAR 16 марта “Барселона” фойдасига қарор қабул қилган, “Реал Мадрид” энг кўп зарар кўрган жамоага айланди

    Спорт | 30 май, 10:03
    Daryo About Us

    «Daryo» интернет-нашрининг (Ўзбекистон матбуот ва ахборот агентлиги (ЎзМАА, ҳозирги Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги) томонидан 13.03.2015 йил санасида 0944-сонли гувоҳнома билан оммавий ахборот воситаси сифатида рўйхатга олинган). Матнли материалларини тўлиқ кўчириш ёки қисман иқтибос келтиришга, шунингдек, фотографик, график, аудио- ва/ёки видеоматериалларидан фойдаланишга daryo.uz сайтига гиперҳавола мавжуд бўлган ва/ёки «Daryo» интернет-нашрининг муаллифлигини кўрсатувчи ёзув илова қилинган тақдирда йўл қўйилади. Чоп этиладиган баъзи маълумотлар 18 ёшга тўлмаган фойдаланувчиларга мўлжалланмаган бўлиши мумкин. Info@daryo.uz

    Telegram Youtube Facebook Instagram Twitter vkontakte

    © «Simple Networking Solutions» МЧЖ, 2013–2025

    Ёш бўйича чеклов

    Хато топдингизми? Ctrl+Enter тугмаларини босинг

    • Фойдаланиш шартлари
    • Махфийлик сиёсати
    • Реклама
    Нимани қидирамиз?

    Sign In or Register

    Хуш келибсиз!

    Тизимга киринг ёки Рўйхатдан ўтинг.

    Google

    ёки Э-Почта орқали

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Рўйхатдан ўтинг

    Рўйхатдан ўтганмисиз? Login.

    Google

    ёки Э-Почта орқали

    Сизга парол электрон почта орқали юборилади.

    Изоҳ қолдиришингиз, Фойдаланиш шартлари ва Махфийлик сиёсати шартларини қабул қилганингизни англатади

    Матнда хато топдингизми?

    ×

    Раҳмат. Биз сизнинг хабарингизни олдик ва хатони имкон қадар тезроқ тузатамиз.