Тахтақорача довони 15 декабрь куни автомобиллар ҳаракати учун вақтинча ёпилди.
Қашқадарё вилояти ФВБ матбуот хизматининг маълум қилишича, кучли қор ёғаётгани сабабли вилоятнинг Китоб туманидан ўтган М-39 автомобиль йўлининг Тахтақорача довони автомобиллар ҳаракати учун соат 10:30 дан бошлаб вақтинча ёпилди.
Айни пайтда ФВВ раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида профилактик ишлар амалга оширилмоқда. Довон йўли қайта очилиши бўйича ФВВ ахборот хизмати қўшимча маълумот тақдим этади.
“Ўзгидромет” 15 декабрь, якшанба куни яна совуқ ҳаво массалари кириб келиши, қатор ҳудудларда қор ёғишини прогноз қилганди.
Тахтақорача довони бундан аввал 5 декабрь куни, фавқулодда вазиятларни олдини олиш мақсадида амалий ўқув машғулоти ўтказилиши сабаб вақтинча ёпилганди.
Изоҳ (0)