Қашқадарё вилояти Китоб туманидан ўтган М-39 автомобиль йўлининг Тахтақорача довони 19 январь куни соат 07:15 дан вақтинча ёпилгани тўғрисида хабар берилганди. ИИВ ЙҲХББ ахборот хизматининг маълум қилишича, ҳозирда тегишли чоралар кўрилиб, довондаги автомобиль йўли қордан тозаланган.
Маълум қилинишича, Фавқулодда вазиятлар вазирлиги тегишли хизматлар билан ҳамкорликда довон йўлига қум-туз аралашмасини сепиш ва қордан тозалаш ишларини олиб борган. Амалга оширилган зурурий тадбирлар натижасида бугун, 19 январь куни соат 09:00 да Тахтақорача довони автомобиллар ҳаракати учун қайта очилган.
Аввалроқ «Ўзгидромет» Қамчиқ довонида кучли ёғингарчилик бўлишидан огоҳлантирган, Ўзбекистоннинг айрим ҳудудларида 19 январь куни қор ёғиши мумкинлигини эълон қилганди.
Эслатиб ўтамиз, Тахтақорача довони 26 декабрь куни ҳам қалин қор ёғгани сабаб ёпилганди. 27 декабрга келиб довонда автомобиллар ҳаракати тикланган.
Изоҳ (0)