Самарқанд вилоятининг айрим ҳудудларида айни вақтларда қор ёғмоқда, деб хабар беради «Дарё» мухбири.
Самарқанд вилояти ИИБ йўлларда музламалар ҳосил бўлишини мумкинлигини билдириб, ҳайдовчиларни об-ҳаво шароитини инобатга олган ҳолда, эҳтиёткорлик билан ҳаракатланишга чақирди.
Аввалроқ «Ўзгидромет» Ўзбекистоннинг айрим ҳудудларида 8 февраль куни қор ёғиши мумкинлиги ҳақида огоҳлантирганди.
Эслатиб ўтамиз, «Ўзгидромет» 6 февраль, якшанба куни тоғолди ва тоғли ҳудудларда баъзи жойларда ёғингарчилик кучли бўлиши мумкинлигини, тоғли автомобиль йўлларда қор уюмлари ва кўриниш ёмонлашиши кутилаётганини маълум қилганди. Шу куни Самарқанд ва Қашқадарё вилоятларини боғловчи Тахтақорача довонида кучли қор ёғди. Қалин қор туфайли соат 17:30 дан Қашқадарё вилоятининг Китоб туманидан ўтган М-39 автомобиль йўлининг Тахтақорача довони автомобиллар ҳаракати учун вақтинча ёпилди. Ёпилган йўл 7 февраль куни соат 08:30 да қайта очилди.
Изоҳ (0)