Наманган вилояти Чортоқ туманидаги мактаб директори ўз хизмат хонасида қимор ўйини ташкил этгани аниқланди.
Вилоят Мактабгача ва мактаб таълими бошқармаси матбуот хизматининг маълум қилишича, 17 декабрь куни Наманган вилояти Чортоқ тумани ИИБ ходимлари томонидан ўтказилган рейд натижасида 8-умумий ўрта таълим мактаби директори ўз хизмат хонасида қимор ўйини ташкил этиб, шериклари билан ўйнаётгани аниқланган.
Ҳозирда ҳолат юзасидан туман ИИБ томонидан терговга қадар суриштирув ишлари олиб борилмоқда. Ташкилотда ўрнатилган ички меҳнат тартиб қоидаларини қўпол равишда бузгани учун мактаб директори билан тузилган меҳнат шартномаси иш берувчи ташаббусига кўра бир томонлама бекор қилинган.
Навоий вилояти Нурота туманидаги мактабда ҳам шу каби ҳолат кузатилганди. Мактаб директори ва ўқув ишлари бўйича ўринбосари қоровулхонада қимор ўйнаб ўтиргани учун ишдан бўшатилганди.
Изоҳ (0)