“Ливерпуль” ҳимоячиси Иброҳим Конате клуб билан шартномасини узайтиришдан бош тортмоқда. Бу ҳақда Испаниянинг АS нашри хабар берди.
Манбага кўра, 26 ёшли француз футболчиси келажакда Мадриднинг “Реал” клубига ўтишни режалаштиряпти. Унинг “Ливерпуль” билан амалдаги шартномаси 2026 йил ёзида якунланади. У шу вақтда “Реал”га эркин агент сифатида қўшилмоқчи.
“Реал” раҳбарияти бу вазиятдан хабардор ва футболчининг атрофидаги вазиятни кузатиб турибди. Қайд этилишича, мадридликлар ҳимоячини жорий трансфер ойнаси вақтида ҳам харид қилишга ҳаракат қилиб кўриш эҳтимоли бор. Бироқ бу трансфер клубдаги бошқа футболчи – хусусан Давид Алабанинг келажагига ҳам боғлиқ бўлади.
Конате 2021 йилда “Ливерпуль”га келган. Transfermarkt порталининг маълумотига кўра, унинг трансфер қиймати 60 миллион еврога баҳоланган. Ўтган мавсум у барча мусобақалар доирасида 42 та ўйинда иштирок этиб, ўз ҳисобига 2 та гол ва 2 та голли узатма ёздириб қўйган.
Изоҳ (0)