Португалиялик юлдуз футболчи Криштиану Роналдунинг ватандоши — “Ливерпуль” ҳужумчиси Диогу Жота ва унинг укаси Андре Сильванинг дафн маросимида иштирок этмагани мамлакат жамоатчилигида катта шов-шувга сабаб бўлди.
Марҳум футболчилар 3 июль куни Испаниянинг ғарбий ҳудудидаги Самора провинциясида юз берган автоҳалокат оқибатида вафот этган эди. 28 ёшли Диогу Жота “Ливерпуль” ҳамда Португалия терма жамоасининг асосий ўйинчиларидан бири эди.
Daily Mail хабарига кўра, португалияликлар Роналдунинг маросимда қатнашиши муқаррар деб ҳисоблаган. Уларнинг фикрича, терма жамоа сардори сифатида футболчи ватандошларига ҳурмат юзасидан дафн маросимига бориши керак эди. Бироқ Майорка матбуотининг ёзишича, 40 ёшли ҳужумчи ўша вақтда ўзининг 88 футли “Azimut Grande” яхтасида, оролнинг икки машҳур ҳудудида ҳордиқ чиқараётгани кузатилган.
Португалиялик журналист Антониу Рибейру Криштоваун бу борада қуйидагича изоҳ берди:
У — терма жамоа сардори. Кўпчилик уни маросимда кўрамиз, деб ўйлаган эди.
Португалиянинг А Bola нашрига кўра, футболчи оммавий эътибордан қочиш мақсадида дафн маросимида иштирок этмасликка қарор қилган. Нашр манбаларига кўра, Роналду марҳум футболчининг оила аъзолари билан доимий алоқада бўлиб турган.
Жотанинг дафн маросимида бир қатор машҳур футболчилар, жумладан Бернарду Сильва, Диогу Далот, Фабиньо ҳамда бошқалар иштирок этган. Айримлар, хусусан Жоау Канселу ва Рубен Невес, Клублар ўртасидаги Жаҳон чемпионатидаги иштирокини якунлагач, тўғридан-тўғри АҚШдан учиб келган.
Изоҳ (0)