“Liverpul” himoyachisi Ibrohim Konate klub bilan shartnomasini uzaytirishdan bosh tortmoqda. Bu haqda Ispaniyaning AS nashri xabar berdi.
Manbaga ko‘ra, 26 yoshli fransuz futbolchisi kelajakda Madridning “Real” klubiga o‘tishni rejalashtiryapti. Uning “Liverpul” bilan amaldagi shartnomasi 2026-yil yozida yakunlanadi. U shu vaqtda “Real”ga erkin agent sifatida qo‘shilmoqchi.
“Real” rahbariyati bu vaziyatdan xabardor va futbolchining atrofidagi vaziyatni kuzatib turibdi. Qayd etilishicha, madridliklar himoyachini joriy transfer oynasi vaqtida ham xarid qilishga harakat qilib ko‘rish ehtimoli bor. Biroq bu transfer klubdagi boshqa futbolchi – xususan David Alabaning kelajagiga ham bog‘liq bo‘ladi.
Konate 2021-yilda “Liverpul”ga kelgan. Transfermarkt portalining ma’lumotiga ko‘ra, uning transfer qiymati 60 million yevroga baholangan. O‘tgan mavsum u barcha musobaqalar doirasida 42 ta o‘yinda ishtirok etib, o‘z hisobiga 2 ta gol va 2 ta golli uzatma yozdirib qo‘ygan.
Izoh (0)