АҚШнинг Калифорния штати Лос Анжелес шаҳрида Иммиграция ва Божхона хизмати (ICE) томонидан ўтказилаётган рейдларга қарши оммавий норозилик намойишлари давом этмоқда. Ўзбекистон ТИВ ушбу намойишлар юзасидан изоҳ берди.
Маълум қилинишича, ҳозирда мазкур намойишларда Ўзбекистон фуқароларининг иштирок этгани тўғрисида ҳеч қандай расмий тасдиқланган маълумот келиб тушмади.
Шу билан бирга, АҚШдаги барча ватандошлар ушбу мамлакатнинг амалдаги қонун-қоидаларига қатъий амал қилишга, тинчлик ва хавфсизликни бузиши мумкин бўлган ҳар қандай оммавий намойишларда иштирок этмасликка чақирилди.
Ўзбекистон дипломатик ваколатхоналари хориждаги фуқароларнинг ҳуқуқ ва манфаатларини ҳимоя қилишда давом этади. Зарур ҳолларда фуқаролар АҚШдаги элчихона ва Бош консулхонага мурожаат қилишлари мумкинлиги қўшимча қилинди.
Изоҳ (0)