Француз киносининг энг мустаҳкам жуфтликларидан бири ҳисобланган икки ижодкор — 49 ёшли актриса Марион Котияр ҳамда 52 ёшли актёр ва режиссёр Гиём Кане 18 йиллик муносабатлардан сўнг ажрашишганини маълум қилди. Бу ҳақда “Правила жизни” хабар берди.
Котияр ва Кане бу қарорни оммага ошкор қилишдан мақсад “турли тахминлар, миш-мишлар ва сохта хабарларнинг олдини олиш” эканлигини айтишди. Улар ажрим сабабини очиқламаган, бироқ бу қарор “ўзаро келишув ва ҳурмат асосида” қабул қилинганини билдирган.
Улар расман турмуш қурган эмас, бироқ икки фарзанд: 14 ёшли Марсель ва 8 ёшли Луизнинг ота-онаси ҳисобланади.
Фото: Правила жизни
Жуфтлик 2007 йилдан бошлаб бирга яшаган. Улар илк бор 2003 йилда “Қўлингдан келса, севиб қол” фильмида бирга ишлаган. Бу фильм катта муваффақиятга эришган. Кейинчалик улар “Сўнгги парвоз” (2009) ва “Абадий ёш” (2017) фильмларида ҳам бирга рол ижро этишган.
Фото: “Правила жизни”
Аввалроқ хонанда Кети Перри ва актёр Орландо Блум 8 йиллик муносабатдан сўнг ажрашгани ҳақида хабар берилди.
Изоҳ (0)