Турк сериаллари тобора бутун дунёда машҳурликка эришмоқда. Томошабинлар турк сериалларини келишган актёр актрисалар, гўзал масканлар ва қизиқарли сюжети учун севиб томоша қилади. Қуйида қайси турк сериаллари янги мавсумга узайтирилгани ҳақидаги маълумотлар билан бўлишамиз. “Олис шаҳар” Нафақат Туркия балки бошқа давлатларда ҳам энг кўп кўрилаётган сериал бу “Олис шаҳар”. Лойиҳа беш мавсумга чўзилган эди. Синем Унсал ва Озан Акбаба узоқ вақт биз билан қолади, деб тахмин қилиш мумкин. Албатта, турк ссенаристлари воқеаларни тезлаштириши мумкин, бироқ ҳозирги рейтингларга қараб, ҳеч бўлмаса яна уч мавсум кафолатланган. Иккинчи мавсумнинг эфирга чиқиши анъанавий равишда 2025 йил кузига режалаштирилган, аниқ сана эса кўрсатилмаган. Биринчи мавсумнинг сўнгги қисми 2025 йил 2 июнда эфирга узатилади. Сценарийнавис сўзларига кўра, бу ҳақиқатан ҳам қизиқ финал бўлади — томошабинни ёз тезроқ тугашини интизорлик билан кутишга мажбур қилади. “Баҳор” Сериалнинг иккинчи мавсуми рейтингда анча пасайган, аммо ижодий жамоа бунга унчалик эътибор бермаётганга ўхшайди. Актёрлар ҳам суратга тушишда давом этишга тайёр. Айтишларича, агар ссенаристлар қизиқарли бурилишлар ўйлаб топа олмаса, сериал томошабинлар эътиборини жалб қила олмаслиги мумкин. “Чексиз муҳаббат” “Чексиз муҳаббат” сериалининг узайтирилиши йилнинг энг тортишувли қарорларидан бири бўлди. Иккинчи мавсум финалида бош қаҳрамон — Мирай Данер ижросидаги образ ҳалок бўлади. Инсайдерларга кўра, учинчи мавсумда эски актёрлар таркибидан фақат Дениз Жан Акташ ва яна уч киши қолади. Янги мавсумнинг номи — Ҳало. Томошабинлар бунга икки хил маъно юклаяпти. Бири — бу сирли воқеаларни билдиради, иккинчиси эса бош қаҳрамон Ҳалил Иброҳимнинг лақаби сифатида. “Агар қирол ютқазса” Ҳалит Эргенч бош роллардан бирини ижро этаётган янги сериалга томошабинларнинг муносабати ҳар хил бўлди. Бироқ бу ҳолат “Агар қирол ютқазса” сериалини давом эттириш қарорини тўхтатмади. Бу 2025 йил май бошида маълум бўлди ва ҳеч кимни ҳайратга солмади, чунки лойиҳа устида ОGM Pictures ишламоқда. Бу компания қисқа сериаллар ишлаб чиқмайди. Сериал сюжети психиатр Гулсерен Будайжиўғлининг асари асосида яратилган. Воқеалар марказида бош қаҳрамон Кенан Баран туради. Ҳаётининг энг оғир, қуйи босқичида бўлган пайтда у ёлғизлик ва тушкунлик ичида қолади. Охир-оқибат у кексалар уйига жойлашади ва бу ерда яшаш харажатларини сирли бир аёл молиялаштиради. ОGM одатда кутилмаган, баъзида ноқулай бўлса-да, бурилишлар яратиши билан машҳур. Шу сабабли, сериал ҳали ҳам томошабинларни ушлаб қолиш имкониятига эга. “Marvarid доналари” “Marvarid доналари” сериали учинчи мавсумга узайтирилмайди, деган тахминлар кўп эди. Чунки иккинчи мавсум рейтингда анчагина паст бўлди. Бироқ, ҳозирги турк телевидениесида рейтинглар билан боғлиқ ҳолат тушунарсиз бўлиб қолган, шунинг учун баъзи продюсерлар бунга эътибор бермасликни афзал кўрмоқда. 2025 йил март охирида блогерлар ва журналистлар бу сериал якунланади, деб бонг урган эди. Аммо апрель охирида бу инкор қилинди. Сўнгги қисм бор-йўғи 4 фоиз умумий рейтинг олди. Аммо актёр ва ссенарист Эрдўғон Йилмаз ҳали таслим бўлиш ниятида эмас. Хуллас, 2025 йил кузини кутамиз ва нима бўлишини кўрамиз. “Ҳукмдор Усмон” “Ҳукмдор Усмон” сериалида бош ролни Бурак Ўзчивит ижро этган. “Севги изтироби” ва “Муҳташам юз йил” сериалларидаги роллари билан танилган актёр бу ҳикоя аллақачон якунланиши кераклигини айтган ва чарчаганини билдирган эди. Бироқ лойиҳа яна бир мавсумга узайтирилди. Демак, 2025 йил кузида ушбу сериалнинг еттинчи мавсуми эфирга узатилади. Шунча вақт ўтганига қарамай, рейтингларда деярли йўқотиш йўқ. Маҳаллий томошабинларга тарихий драмалар ёқиши аниқ. Айтишларича, ушбу мавсум якуний бўлиб, бош қаҳрамоннинг фарзандларидан бирига бағишланган бўлади. “Эшрефнинг орзуси” Демет Оздемир ва Чағатой Улусой иштирокидаги лойиҳа “Чуқур” сериалини эслатгани сабабли кўпчилик ундан юқори рейтинглар кутган эди. Аммо, ҳозирча натижалар кутилгандек эмас. Шунга қарамай, продюсерлар сериалдан воз кечмасликка қарор қилишди. Рейтинглар ёмон эмас — лойиҳанинг рақамлари барқарор. Аммо “Олис шаҳар” ва “Қизил шарбат”дан анча ортда қолмоқда. “Эшрефнинг орзуси” сериалининг келажагини эса кўпроқ бошқа давлатларга бўлган савдо битимлари ҳал қилди. Шундай экан, биз бу ҳиссий ва ҳаяжонли севги ҳикоясининг гувоҳи бўлишда давом этамиз — камида яна бир мавсум. “Ҳимоясизлар” “Олис шаҳар”, “Қизил шарбат” ва ҳатто “Эшрефнинг орзуси” фонида бу сериал бир оз сояда қолиб кетаётгандек. Ҳатто ўз аудиториясига тўлиқ етиб бормаяпти. Шунга қарамай, 25 апрель куни расмий равишда янги мавсумга узайтирилди. Турк матбуотига кўра, янги мавсумда Ҳазал Субаши, Энес Кочак ва Мелис Минкари иштирок этади. Сериал режиссёри ва сценарийнавислари ўзгармайди, бу эса сюжет сифатининг сақланиб қолишига ва ҳатто янги томошабинларни жалб қилишига умид уйғотади. Эътиборга молик жиҳати бу сериал ҳали ҳам энг кўп томоша қилинаётган 5 та лойиҳа қаторида. “Қизил шарбат” Очиғи, бу сериални тўртинчи мавсумга узайтириш тўғрисидаги қарорга ишонч комил эмасди. Лойиҳа аллақачон Доа ва Фатиҳ ҳақидаги ҳикояни тарк этиб, бошқа қаҳрамонларга урғу бера бошлаган. Давомини қандай йўналишда олиб боришлари ҳозирча номаълум. Шу билан бирга, янги мавсумда Юнал оиласининг вилласи яна остин-устин бўлиши аниқ. Учинчи мавсум охирида эҳтимол Ишил ролини ижро этган Эжже Иртем ҳам сериал билан хайрлашади. Агар рейтинг юқорилигича қолса, сериал 2026 йил майигача давом этади. Акс ҳолда “Қўрғон сирлари” сингари муддатидан олдин ёпилади. “Шакир пошо сулоласи: Мўжизалар ва жанжаллар” Бу сериални ёпиш мантиқан тўғрироқ бўларди. Фильм майдончасида юзлаб суд ишлари, тақиқлар, жарималар ва ҳатто ҳалокатлар юз берганига қарамай, жамоа ҳали ҳам эфир ҳуқуқи учун курашмоқда. Жорий мавсум 16-қисмда якунланди. Давоми 2025 йил кузида чиқади. Иккинчи мавсумда Ҳазал Кая ва Эда Эжже иштирок этади. Жамоани яна ёнғинлар ва цензура қўмитаси томонидан жарималар кутмаяптими бу ҳам савол остида. “Меҳмед: Фатҳлар султон” Туркияда жанговар саҳналар, интригалар ва шахсий драматик воқеаларга бой тарихий лойиҳаларга алоҳида эътибор бор. Бош ролни Серкан Чайўғлу ижро этган “Меҳмед: Фатҳлар султони” сериали ҳам ҳеч қандай шубҳасиз учинчи мавсумга узайтирилди.
Мавзуга доир
×![Lightbox Image]()
Изоҳ (0)