Ҳатто ўзига ишончи баланд ва дадил кўринадиган машҳурлар ҳам омма олдига чиқишдан олдин ҳаяжонланади. Аммо улар бу ҳолатни енгишга ёрдам берадиган ўз усулларига эга. Улар мухлислар қаршисига хотиржам чиқиш имконини беради.
Зендая: чуқур нафас олиш ва ички хотиржамлик
Зендая қизил йўлакдаги энг катта премераларда ҳам ўзини йўқотмайди. Бироқ интервьюлардан бирида у шундай деган:
“Мен атрофдаги муҳитга жуда таъсирчанман, шунинг учун ўзгаларнинг кайфияти менга юқиши осон”.
Оммавий тадбирлардан олдин у ҳеч бўлмаганда 10 дақиқа ёлғиз қолишга ҳаракат қилади. Зендая кўзларини юмиб, секин ва чуқур нафас олади. Шу орқали ўзини тинчлантиради. Бу пайтда у ўзига қуйидаги иборани такрорлайди:
“Сен хавфсиз жойдасан”.
Шундан кейин ҳаяжон камаяди, ички ишонч пайдо бўлади ва ўзини хотиржам ҳис қилади.
Гарри Стайлс: мусиқа ва тинчлантирувчи буюмлар
Гарри Стайлс интервьюларда шундай деган:
“Саҳнага ҳатто бир неча минг марта чиққан бўлсам ҳам, ҳар сафар ичимда бир оз ҳаяжон бўлади”.
Унга тинчланишга ёрдам берадиган икки нарса бор: мусиқа ва яқин одамларини эслатувчи буюмлар. Гарри саҳнага чиқишдан олдин махсус тузилган плейлистни тинглайди, бу мусиқалар унга куч ва ишонч ҳиссини беради.
Шунингдек, у ҳар доим ёнида бирор тимсол, масалан, севимли узуги ёки занжирини олиб юради. Бу буюмлар унга уйи, болалини эслатади ва ўзини оддий инсондек ҳис қилишига ёрдам беради.
Меган Маркл: образга кириш одати
Актрисалик фаолияти туфайли Меган Маркл омма олдида ўзини тутишни жуда яхши билади. Расмий тадбирлардан олдин у “ролга кириш” усулидан фойдаланади: у юриш-туриши, нигоҳи ва юз ифодасини аввалдан қироличаларга хос тарзда ўзгартиради.
“Баъзида ўзингизга бўлган ишончни ҳис қилиш учун, аввал ўзингни ишончли кўрсатишинг керак бўлади”, дейди у. Бу усул ноодатий туюлса-да, ҳақиқатан ишлайди: тана ҳаракати мияга сигнал беради ва инсоннинг ўзи ҳам бунга ишонади.
Изоҳ (0)