Бухоро вилоятида 1 июлдан бошлаб ичимлик суви ва оқова хизматлар бўйича янги тўлов тарифлари ишга тушади. Бу ҳақда вилоят ҳокимлиги матбуот хизмати хабар берди.
Маълум қилинишича, Халқ депутатлари вилоят кенгашининг 12 июндаги қарори билан 1 июлдан бошлаб амалда бўладиган ичимлик суви ва оқова хизматлар бўйича янги тўлов тарифлари тасдиқланган.
Унга кўра, 1 метр куб ичимлик суви (ҚҚС билан):
- аҳоли учун — 4480 сўм;
- иссиқлик таъминоти, диний ташкилотлар ва бошқалар учун — 4480 сўм;
- бюджет ташкилотлари учун — 9520 сўм;
- улгуржи истеъмолчилар учун — 9520 сўм бўлади.
Техник суви хизмати:
- аҳоли учун — 2240 сўм;
- бошқа истеъмолчилар учун — 2240 сўм бўлади.
Оқова сув хизмати:
- аҳоли учун — 4256 сўм;
- иссиқлик таъминоти, диний ташкилотлар ва бошқалар учун — 4256 сўм;
- бюджет ташкилотлари учун — 6272 сўм;
- улгуржи истеъмолчилар учун — 6272 сўм бўлади.
“Бухоро сув таъминот” АЖ матбуот хизмати хабарида келтирилишича, ўтган беш йилда Бухоро вилоятида марказлашган ичимлик суви билан таъминланиш даражаси 52,8 фоиздан 74,3 фоизга, канализация қамрови 7,0 фоиздан 16,5 фоизга етказилди. Шунингдек, келгуси беш йилда вилоятда марказлашган ичимлик суви билан таъминланиш даражаси 74,3 фоиздан 95,0 фоизга, канализация қамрови 16,5 фоиздан 40,0 фоизга етказилиши режалаштирилган.
Бундан ташқари иш ҳақи, электр–энергия, солиқ тўловлари, хорижий кредитлар тўлови амалга оширилган бўлиб, жорий ва капитал таъмирлаш, тизимни модернизасия қилиш ишларида ҳам сарф-харажатлар талаб этилади.
Тошкент вилоятида ҳам 1 июлдан бошлаб ичимлик суви ва оқова хизматлар бўйича янги тўлов таърифлари жорий қилинади.
Изоҳ (0)