Тинч океанида 2025 йил март ойида бедарак йўқолган беш нафар балиқчи 55 кундан сўнг Эквадор ҳарбий-денгиз кучлари томонидан топилди. Улар ёмғир ва денгиз сувини ичиб омон қолган. Бу ҳақда Fox News хабар берди.
Уч перулик ва икки колумбиялик балиқчи 7 май куни Эквадорнинг Алдо қайиғи томонидан топиб олинган. Денгиз флотининг таъкидлашича, балиқчилар Пукусана кўрфазидан сузиб кетишганидан икки кун ўтиб, қайиқларининг генераторлари шикастланган. Оқибатда навигация воситалари ишламай қолган ва улар ёрдам чақира олмаган.
Қийин аҳволга тушиб қолган ишчилар тирик қолиш учун двигателдаги занглаган сувда балиқ қайнатиб еган. Ичимлик суви сифатида эса денгиз ва ёмғир сувидан фойдаланишган.
Балиқчиларнинг аҳволи барқарорлиги очиқланди. Ҳарбий-денгиз кучлари уларни ўз юртларига қайтариш устида иш олиб бораётганини маълум қилди.
Изоҳ (0)