“Формула 1” спорт драмасида бош ролни ижро этган Бред Питт фильмнинг Лондондаги премерасида иштирок этди. Аммо кечанинг энг катта сюрпризи актёрни қўллаб-қувватлаш учун Том Крузнинг ташриф буюргани бўлди, деб хабар берди Daily Mail.
Кино саноатининг икки юлдузи ўртасидаги бу учрашув мухлисларда носталгия хотираларни уйғотди. Айниқса, улар 1994 йилда суратга олинган “Вампир билан интервью” фильмидаги ролларини ёдга солди. Ўша фильм суратга олинганидан кейин улар қарийб 30 йил давомида мулоқот қилмаган эди.
Ўтган йили улар ўртасида яна зиддият бўлиб ўтгани ҳақида гап-сўзлар пайдо бўлди. ОАВ маълумотларига кўра, актёрлар Буюк Британиядаги ўз таъсир доиралари учун рақобатлашган. Питт “Формула 1” фильми учун айнан шу ерда суратга тушаётган эди. Круз эса 2021 йилдан бери Лондонда яшайди. Питт унинг ҳудудида аҳоли диққатини ўзига жалб қилишга уринди, деб ҳисобланган.
Бундан ташқари, Питт “Топ Ган: Маверик”ни суратга олган продюсер Жерри Брукхаймер ва режиссёр Жозеф Косински билан бирга ишлаб келган.
Энди мухлислар орасида уларни яна бир фильмда бирга кўриш умиди пайдо бўлди. Актёрларнинг ўзлари ҳам бу эҳтимолни истисно қилмаяпти.
Изоҳ (0)