Ҳатто “А” рўйхатидаги кино юлдузлари ҳам баъзида муваффақиятсизликларга дуч келишади ва салбий танқидларни қабул қилишади. Аммо улар бир хатодан кейин тўхтамайди ва ўз касбларини профессионал равишда давом эттиради — улар ривожланади, яхшиланади ва энг юқори кино мукофотларини олади.
Женнифер Энистон
Кўпчилик Женнифер Энистонни “Дўстлар” сериалидаги Рейчел Грин роли билан эслайди. Актрисанинг фильмографиясида камида 70 га яқин рол бор. Аммо уларнинг кўпчилиги муваффақиятсиз чиққан — “Яхши қиз”, “Ҳар нарсага қодир Брюс”, “Марли ва мен” ҳамда “Биз Миллерлармиз” каби фильмлар шулар жумласидан.
2011 йилда Энистон “Таваккалчилар” ва “Дўстдан ҳам кўпроқ” фильмларидаги роллари учун икки марта “Олтин малина” мукофотига номзод бўлган. Актриса кейинги йили “Рафиқам бўл” фильмидаги роли учун яна бир номинация олади ва барча муваффақиятсизликлар шу ерда тугайди.
2015 йилда актриса “Торт” фильмидаги роли билан обрўсини тиклаб олади. Бундан ташқари, 2019 йилдан бери Энистон машҳур “Тонгги шоу” сериалида асосий роллардан бирини ўйнайди.
Kиaну Ривз
Миллионлаб томошабинларнинг севимлиси ва Голливуднинг асосий интроверти Kиaну Ривз меҳнатсеварлигига қарамай, кўпинча ўртача фильмларда ўйнаган. Унинг энг машҳур асарлари “Тезлик”, “Тўлқинларни бўйсундириб”, “Матрица”, “Иблис ҳимоячиси” ва “Константин”. Шу билан бирга, унинг фильмографиясида 100 дан ортиқ фильм мавжуд. Kиaну Ривз олти марта “Олтин малина” мукофотига номзод бўлган.
2014 йилда “Жон Уик” франшизаси экранларга чиққач, ҳаммаси ўзгарди. Тhе Hollywood Reporter бу ролни “Ривзнинг жанговар жанрга қайтиши” деб атади. Тўрт қисмнинг барчаси ҳам танқидчилар, ҳам томошабинлар эътирофига сазовор бўлди.
Сандра Буллок
Сандра Буллок шу қадар кўп қиррали актрисаки, 2010 йилда бир вақтнинг ўзида у “Олтин малина” ва “Оскар” мукофотларини олади.
Биринчи мукофот “Ҳаммаси Стив ҳақида” фильми учун олинган. Танқидчилардан бири, Буллокнинг бу ижроси ҳатто актрисанинг энг ашаддий мухлисларини ҳам хафа қилганини айтади.
Бироқ ўша йили актрисага “Оскар”ни олиб келган “Кўринмас томон” спорт драмаси экранларга чиқади. Танқидчилар ҳам, томошабинлар ҳам фильмни ва Буллок образини мақташади. Баъзи томошабинларнинг фикрига кўра, актриса қойилмақом ижроси билан фильмдаги барчани ортда қолдирган.
Леонардо Ди Каприо
Бугунги кунда Леонардо Ди Каприонинг актёрлик қобилиятига ҳеч ким шубҳа қилмаса керак. Унинг фильмографияси жуда кўп мураккаб ва чуқур ролларни ўз ичига олади. Сўнгги 20 йил ичида у 6 марта “Оскар”га номзод бўлган, улардан бири Ди Каприога узоқ кутилган ҳайкалчани олиб келди.
Бироқ Леонардонинг профессионал йўли жуда қийин кечган. Масалан, ёш Ди Каприо фаолиятининг бошида икки марта “Олтин малина” мукофотига номзод бўлган: 1999 йилда “Темир ниқобли одам” ва 2001 йилда “Пляж” фильми учун.
Йиллар ўтиб, бу хатолар тенденция эмас, балки тасодиф эканлиги аён бўлади. Лео эса йилдан йилга истеъдоди билан бизни хурсанд қилишда давом этмоқда.
Николас Кейж
Николас Кейжни ишонч билан Голливуднинг кўп қиррали актёрларидан бири деб аташ мумкин. Баъзилар уни ҳақиқий даҳо деб билишса, бошқалар у ҳақида фақат киноя билан гапиришади. Танқидчилар Николасни кўпинча ҳаддан ташқари ҳаракат қилишда айблашади. Қолаверса, 2007 йилдан буён у 8 марта “Олтин малина” мукофотига номзод бўлади. Бироқ, 2021 йилда Кейж “Тўнғиз” фильмидаги роли учун обрўсини тиклагач, ҳаммаси ўзгаради. Фильм танқидчилар ва томошабинлар томонидан юқори баҳоланади. Баъзилар Кейжнинг ижросини “Оскар”га лойиқ деб атайди.
Бред Питт
Жолининг собиқ турмуш ўртоғи ҳозирда жуда банд. Унинг биринчи катта муваффақияти 1991 йилда бўлган. Бироқ уч йил ўтгач, Питт карьерасида сезиларли даражадаги қулашни бошдан кечирди. У “Вампир билан интервью” фильмидаги роли учун жуда кўп танқидларга учрайди. Бред бу картинанинг деярли асосий муаммоси деб аталади. Кейинчалик Том Круз билан “Олтин малина” мукофотига номзод бўлишади.
Бироқ бу муваффақиятсизлик Питтнинг фаолиятини якунламайди. Аксинча, шундан сўнг унинг иштирокида кўплаб машҳур фильмлар чиқади — “Етти”, “12 маймун”, “Танишинг, Жо Блек”, “Жанг клуби” ва бошқалар. Сўнгги ўн йил ичида у “12 йил қулликда” ва “Бир пайтлар Голливудда” фильмлари учун иккита “Оскар”ни қўлга киритади.
Кетрин Зета-Жонс
Карьерасининг бошида Кетрин Зета-Жонс кўпинча соҳибжамолларни ёки бош қаҳрамоннинг қиз дўстларини ўйнайди. “Қопқон” фильмидаги ушбу роллардан бири учун актриса 2000 йилда иккита “Олтин малина” номинациясини олади.
Икки йил ўтгач, Жонс бошқа ролларни ҳам ўйнаши мумкинлигини бутун дунёга исботлади. “Чикаго” фильмида у матбуот эътибори ва шон-шуҳратига интилувчи юлдуз билан тўқнаш келган кабаре раққосаси ролини ижро этади. Ушбу роль учун актриса “Оскар”га муносиб кўрилади.
Том Круз
Том Крузнинг мукофотлар рўйхати сизни ҳайратда қолдириши мумкин. Крузда еттита “Олтин глобус” ва олтита “Олтин малина” мукофоти бор.
Охирги муваффақиятсиз ишлардан бири Ник Мортоннинг “Мумиё” фильмидаги роли эди. Фильм профессионал ҳамжамият томонидан ҳам, томошабинлар томонидан ҳам танқид қилинади. Бунинг учун актёр кейинчалик “Олтин малина” олади.
Бироқ бир неча йил ўтмай, актёр кино саноатидаги ажойиб ютуқлари учун 2022 йилда Канн кинофестивалида лауреат, 2023 йилда эса “Оскар” мукофотига номзод бўлади.
Изоҳ (0)