Тошкентдаги сомсахона ишчилари диний оқим таъсирига тушиб қолгани аниқланиб, уларга нисбатан суд иши ўтказилди.
Маълум қилинишича, улардан 2 нафари андижонлик, бири сирдарёлик. Улар Тошкентдаги сомсахонада бирга ишлаган. 26 ёшли андижонлик йигит гуруҳ раҳбари сифатида айбланмоқда.
У Россияга ишлашга кетиб, диний оқим таъсирига тушиб, интернетда жиҳод ғояларини тарқата бошлаган. Ўзбекистонга қайтгач Тошкентдаги сомсахоналарнинг бирида 2 йигит билан танишган. Улар ижара уйида тўпланиб диний мазмундаги маърузаларни тинглаган.
23 ёшли сирдарёлик йигит эса Қоҳирага бориб, Сурия ва Ироқдаги жангарилар лагерида ҳарбий тайёргарликдан ўтган. Судланувчилар Жиноят ишлари бўйича Самарқанд шаҳар суди қуйидаги моддалар бўйича айбли деб топилган:
- Жиноят кодексининг 155-1 (тайёрланаётган ёки содир этилган террорчилик ҳаракатлари тўғрисидаги маълумотлар ва фактларни хабар қилмаслик),
- 244-1 (жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш),
- 244-2 (диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш).
Суд ҳукми билан улардан икки нафари 6 йилга, бир нафари эса 7 йилга озодликдан маҳрум қилинди.
Суриядаги жанговар ҳаракатларда иштирок этиб келаётган андижонлик 42 ёшли эркак қидирилмоқда. Шунингдек, Суриядаги террорчилик ташкилоти аъзоси бўлган андижонлик эркакка ҳам қидирув эълон қилинган.
28 июнда Андижонда жиҳодчиларнинг яширин жамоати фаолиятига чек қўйилган эди.
Изоҳ (0)