АҚШ Давлат департаменти матбуот котиби Темми Брюс Ғазодаги гуманитар ёрдам пунктига уюштирилган ҳужумда ҲАМАСни айблади. Бу ҳақда Anadolu хабар берди.
Брюс Х ижтимоий тармоғида Ғазо гуманитар жамғармасига қилинган ҳужумда Исроилнинг эмас, балки ҲАМАСнинг қўли борлигини таъкидлаган. Ҳужум оқибатида АҚШнинг икки нафар ҳарбийси ҳам жароҳатланган.
“Ғазо аҳолисига ёрдам етказиб бераётган одамларга нисбатан бу зўравонлик ҲАМАСнинг маънавий таназзулини кўрсатади”, деди Давлат департаменти вакили.
Шунингдек, “бу фидойи ёрдамчиларни ҳеч қандай куч тўхтата олмаслиги” қўшимча қилинган.
Исроил кучлари 6 июнь куни Ғазо шаҳридаги уйни бомбардимон қилиб, камида 12 кишининг ҳаётига зомин бўлган. Яҳудий давлатининг анклав бўйлаб ҳужумлари оқибатида камида 27 киши ҳалок бўлган.
ҲАМАС, ўз навбатида, Исроилнинг Ғазодаги кенг миқёсли ҳужумларини қоралаган. Хусусан, бу мамлакат бош вазири Биньямин Нетаньяху ҳукуматининг секторда геноцидни давом эттираётганининг исботилиги айтилган.
БМТнинг Инсон ҳуқуқлари бўйича Олий комиссари бошқармаси вакили Равина Шамдасани 4 июль куни сўнгги бир ой ичида Ғазодаги ёрдам пунктлари яқинида 613 фаластинлик ҳалок бўлганини, улардан 509 нафари АҚШ ва Исроил томонидан молиялаштирилган Ғазо гуманитар жамғармаси ёрдам тарқатаётган ҳудудада бўлганини маълум қилганди.
Изоҳ (0)