Бельгиянинг “Антверпен” клуби спорт директори Марк Овермарс ёзги трансферлар ойнаси пайти амалга оширган харидлари сабаб кўплаб мухлисларнинг танқидига учради. Хусусан, ҳимоячи Ел Батайнинг жамоани эркин агент сифатида тарк этиши ҳамда ўзбекистонлик ҳужумчи Муҳаммадали Ўринбоевнинг трансфери ижтимоий тармоқларда кўплаб эътирозларга сабаб бўлди.
Мухлислар Ел Батайнинг кетиш қароридан жуда хафа бўлган. Клуб футболчининг шартномасидаги бандни ўз вақтида фаоллаштирмагани боис ҳимоячи эркин агент мақомида бошқа клубга ўтган. Бу ҳолат мухлисларнинг раҳбариятга бўлган ишончни пасайтирган ва кўплаб саволларни юзага келтирган.
Шу билан бирга, Овермарс томонидан яқинда амалга оширилган Муҳаммадали Ўринбоев трансфери ҳам мухлислар томонидан совуққонлик билан кутиб олинди. Тошкентнинг “Пахтакор” клубидан 500 минг еврога харид қилинган ҳужумчи ёзги трансферлар доирасида “Антверпен”нинг тўртинчи янги футболчиси сифатида таништирилди. Клуб спорт директори Овермарс бу трансфер учун шахсан жавобгар ҳисобланади.
Муҳаммадали Ўринбоев Ўзбекистонда истиқболли футболчиларидан бири ҳисобланади. У кетма-кет уч мавсум мамлакат чемпиони бўлган ва U-20 Осиё Кубогида 4 та гол уриб, мусобақанинг энг яхши тўпурари сифатида эътироф этилган. Шунга қарамай, “Антверпен” мухлислари бу трансфердан мамнун эмас. Ижтимоий тармоқларда Овермарсга нисбатан кескин танқидлар билдирилиб, баъзи фойдаланувчилар уни “мутахассис эмас” деб аташган, дейилади Voetbalnieuws нашрида.
Айни пайтда “Антверпен” раҳбарияти янги мавсум олдидан мухлислар ишончини қайта тиклаш учун қатъий ва аниқ қадамлар ташлаши лозим бўлади. Чунки ижтимоий тармоқларда, хусусан Х платформасида, жамоа мухлислари клубнинг трансфер сиёсатига жиддий норозилик билдиришмоқда.
Хусусан, Петер исмли фойдаланувчи қуйдаги фикрларни билдирган:
Ахир сизлар қаердан футболчи излаяпсизлар ўзи?! Ел Батай каби ҳимоячини қурбон қилиб, ўрнига ўзбекистонлик футболчини олиб келасизми?!
Waar gaan jullie in godsnaam toch scouten? @JelleBataille opofferen voor een Oezbeek?? pic.twitter.com/BRoflHJIec
— Peter (@Vladimirblatter) July 7, 2025
Ромаро Ямал исмли фойдаланувчи эса клуб академиясидаги иқтидорларга эътибор бермай, клубнинг 500 минг евролик харидидан норози эканлигини билдирган:
“Антверпен” клуби сўнгги 25 йил ичида илк бор жамоага Муҳаммад исмли футболчини олиб келди. Аммо ҳар йили клубнинг ёшлар тизимида шу номдаги иқтидорли футболчилар бўлишига қарамай, уларга имкон берилмайди. Аксинча жамоадан кеткизиб юборилмоқда. Бу ҳолат фонида, клубнинг бошқа бир Муҳаммадга пул тўлаб трансфер қилгани мухлислар норозилигига сабаб бўлиши табиий. Бу қарорни иккиюзламачилик деб баҳолайман, раҳбарият эса юзаки ва сохта сиёсат юритмоқда.
De eerste Mohamed voor Antwerp in 25jaar tijd voetbal wetende dat er in de Antwerpse jeugdreeksen elk jaar toppers met dezelfde naam worden weggejaagd… bende Nepperds
— Romario Yamal (@Neezenne) July 7, 2025
Яна бир Х тармоғи фойдаланувчиси эса Ўринбоевнинг 1 лига даражасидаги футболчи дея атаган:
Бельгия 1 лигаси даражасидаги футболчи.
Leuke speler voor 1B!
— َ (@prestiannism) July 7, 2025
Изоҳ (0)