Таиландда 3 июль куни иккинчи муваққат бош вазир тайинланди. Мамлакатда бир кун олдин ҳам бу лавозимга маъсул тайинланган эди. Бу ҳақда Al Jazeera хабар берди.
Ички ишлар вазири Пҳумтҳам Вечаячаи вазирлик вазифаларини ўз зиммасига олган. Шу ҳафта мамлакат раҳбари Паэтонгтарн Шинаватра Конституциявий суд томонидан лавозимидан четлатилганди. Паэтонгтарн Шинаватра Камбожанинг асосий сиёсий арбоби билан қўнғироқлашганидан сўнг, бу суҳбат интернетда тарқалиб кетганди.
Таиланд ҳукумати ижтимоий тармоқдаги постида Пҳумтҳамнинг бош вазир вазифасини бажарувчи роли янги Вазирлар маҳкамасининг биринчи йиғилишида келишилганини маълум қилган. 71 ёшли Пҳумтҳам бир кун олдин бу вазифани бажарган Сурия Жунгрунгреангкит ўрнини эгаллади.
Ушбу лавозим тайинловлари Паэтонгтарн Камбожанинг нуфузли собиқ раҳбари Хун Сен билан бўлган телефон суҳбати тарқалиб, мамлакат аҳолисининг ғазабини қўзғатганидан сўнг содир бўлмоқда. Суҳбат июнь ойи ўрталарида икки давлат ўртасидаги чегарадаги кескинликни юмшатиш мақсадида амалга оширилганди.
Танқидчилар Паэтонгтарннинг Хун Сенни “амаки” деб аташи ва Таиланд армияси қўмондонини танқид қилиш қароридан ғазабланган. Конституциявий суд 36 сенатордан келган аризани қабул қилган. Унда Паэтонгтар Хун Сен билан суҳбатда конституцияни бузганликда айбланган. У четлатилишидан олдин Паэтонгтарн ўзини янги вазирлар маҳкамасида маданият вазири этиб тайинлаган. У 3 июль куни лавозим қасамёдини амалга оширган.
Изоҳ (0)